२४ कार्तिक २०७२, मंगलवार ०३:०८ 
कात्तिक २४, काठमाडौं । महानायकको उपाधि पाएका अभिनेता राजेश हमाल पछिल्लो समय फिल्म क्षेत्रमा कम देखिन्छन् । एकसमय फिल्म क्षेत्रमा एक्लो राज गर्न सफल बनेका हमालको फिल्मी करिअर ओरालो लाग्दै गएको देखिन्छ । नेपाली फिल्ममा कम देखिन लागेता पनि उनी देश बिदेशको बिभिन्न कार्यक्रममा यतिखेर ब्यस्त छन् ।
अभिनेता हमाल यतिखेर अमेरीका भ्रमणमा छन् । अमेरीका कोलम्बसको बसाईको क्रममा उनले एक नयाँ कुरा सिक्न लागेको भन्दै किचनको काम सिक्न थालेका छन् । खाना पकाउने कलामा पोख्त हुन खोजेको भन्दै आफ्नो फेसबुक मार्फत तस्बिर सार्वजनिक गरेका छन् ।
किचनको काममा खासै नजान्ने भएकोले पनि उनले किचनको काम सिक्न थालेको बताएका छन् । उनले बहिनी डा. रुपा सँगको तस्बिर अपलोड गरेका हुन् ।
