२२ मंसिर २०७२, मंगलवार २३:०४ 
मंसिर २३, काठमाडौं । करिब दुईबर्ष यता आन्तरीक कारणले गर्दा मनमुटाव भएका मोडल शंकर बिसी र पार्वती राईको पुनः मिलन भएको छ । दुईबर्ष अघि लामो समयसम्म नेपाली लोकगितको क्षेत्रमा एकछत्र राज गर्दै आएको यो जोडि एउटै म्युजीक भिडियोमा नदेखिंदा दर्शकले पनि खल्लो महसुस गर्दै आएका थिए । पार्वती राई भन्दा अघि शंकर बिसी र मोडल सम्झना बुढाथोकीको जोडिलाई पनि दर्शकले निकै रुचाएका थिए तर पछि सम्झना र शंकरको जोडि पनि सम्झनाको मोटाईले गर्दा टिक्न सकेन ।
गएको मंगलबार ‘भुनभुन गर्ने भमरा’को बोलको लोकगित सार्वजनिक भएको छ । जसमा शंकर बिसी र पार्वती राईको दमदार नृत्य देख्न सकिन्छ । यो जोडिलाई दुईबर्ष पछि एक गराउने काम गरेका हुन् गुरुआमा भनिने निर्देशक स्मृति तिमिल्सिनाले । बागिना डिजिटलको प्रस्तुतीमा अनिता चलाउने र जितेश थापाको स्वरमा रहेको सो गितमा शहदेव कोइरालाले लय शब्द भरेका छन् । भिडियोलाई हरी नारायण चौधरीले खिचेका हुन् भने दिपक बिष्टले सम्पादन गरेका हुन् ।
