२५ मंसिर २०७२, शुक्रबार ०५:०७ 
मंसिर २५, काठमाडौं । नेपाल चलचित्र कलाकार संघको निर्वाचनका लागि यतिखेर कलाकारहरु दौडधुपमा छन् । आ आफ्नो तबरबाट उम्मेदवारहरुले प्रचारप्रसार गरीरहेका बेला अध्यक्ष पदका उम्मेदवारी रामकेशर बोगटीले २० लाख रुपैयाँ सहयोग गर्ने घोषणा गरेका छन् । शुक्रबार राजधानीमा आयोजित प्रतिवद्धता सार्वजनिक कार्यक्रममा वर्तमान महासचिव बोगटीले संघलाई नेपाल चलचित्र कलाकार संघको भवन निर्माणका लागि उक्त रकम दिने घोषणा गरेका हुन् ।
त्यस्तै बोगटीले सो रकम दिने घोषणा गरीरहँदा सचिव पदमा आफ्नो उम्मेरद्वारी दिएका चेतबहादुर सिंह ‘राजा’ ले भवन निर्माणकै लागि ४ लाख रुपैयाँ दिने घोषणा गरे । साथै सदस्य पदमा उठेका सुनिल कट्वालले पनि ४ लाख दिने घोषणा गरे ।
कलाकार संघको आफ्नै भवन निर्माणका लागि आफूले १ लाख ७ हजार ७ सय ७७ रुपैयाँ उलब्ध गराएको भन्दै बोगटीले आफ्नो कार्यकालमा रकम बढ्ने विश्वास व्यक्त गरे । उनले भने कलाकार संघको भवन निर्माणका लागि रकम आउँछ भन्ने आश गरेको छु । आएन भनेपनि म एक्लैले २० लाख खर्च गरेर ४ कोठे भवन बनाउने प्रतिबद्धता व्यक्त गर्दछु ।’
सम्बन्धित समाचार
कलाकार संघमा क-कसको उम्मेदवारी ? (नामावली सहित)
