२६ मंसिर २०७२, शनिबार ०८:१४ 
मंसिर २६, काठमाडौं । शनिबार दिउँसोको समय नेपाल पुलिस क्लबको भवन भृकुटिमण्डपमा नेपाली कलाकारहरु भरीभराऊ देखिन्थे । नेपाल चलचित्र कलाकार संघको १४ बार्षिक साधारण सभा कार्यक्रममा सयौं कलाकारहरु उपस्थित थिए । कोहि काने खुसी गर्दै कुरा गर्दै थिए त कोहि नमस्कार गर्दै भोट माग्नमा ब्यस्त थिए ।
कलाकार उम्मेदवारहरु भोट माग्दैमा ठिक्क देखिन्थे त उपस्थित अन्य कलाकारहरु भोट हाल्नमा आतुर देखिन्थे । अभिनेत्री रेजिना उप्रेती उपाध्यक्ष पदमा उम्मेदवारी दिएकी छिन् । दिउँसो उनलाई पनि भोट माग्दै भ्याईनभ्याई दियो । त्यस्तै सचिव पदका उम्मेदवार अभिनेता संजय खतिवडा पनि पटक पटक मलाई भोट दिनुस भन्दै गरेको देखिन्थ्यो । यस्तै अन्य उम्मेदवारहरु पनि भोट माग्नमा निकै ब्यस्त देखिन्थे ।
