१८ चैत्र २०७६, मंगलवार ०५:१५ 
<pre style="line-height: 1.42857; text-align: justify;"><span style="font-weight: 700;">आर्टिष्ट खबर/ चैत, काठमाडौं ।</span></pre><p style="text-align: justify; ">विश्व स्वास्थ्य सङ्गठनले महामारी’ घोषणा गरिसकेको कोरोना भाइरस कोभिड १९ ले यतिबेला विश्वनै आतंकित बनाइरहेको छ । नेपालमा पनि यसको संक्रमणबाट अहिलेसम्म पाँचजना व्यक्ति संक्रमित देखिएसँगै नेपाल सरकारले देशमा ‘ चैत ११ देखि चैत २५ सम्म निरन्तर लकडाउन गरेको छ । यसलाई कसरी रोकथाम तथा नियन्त्रण गर्ने भन्नेमा यतिबेला विश्वकै ध्यान खिचिएको छ । त्यसैगरी नेपाल सरकारले पनि चलचित्र हलहरु रंगशालाहरु लगायत अन्य मनोरञ्जनस्थलहरु बैशाख १८ गतेसम्मका लागी बन्द गरेको छ । सरकारले भाइरस संक्रमण रोकथाम तथा नियन्त्रण केन्द्रीय राहत कोषको पनि ब्यवस्था गरेको छ । जसमा नायिका वर्षा सिवाकोटी लगायतका अन्य सहयोगी मनहरुले आफूले गर्न सक्ने सहयोग गरिरहेका छन्। </p><p style="text-align: justify; ">यो संकटकालमा संक्रमणबाट बच्न विभिन्न उपायको खोजि भइरहेको अवस्थामा गायक स्रष्टाहरुले गीत सङ्गीतमार्फत कोरोना सम्बन्धि चेतनामूलक सन्देशहरु दिइरहेका छन् । यसैबीच विश्व कीर्तिमानी गीतकार डा.डी आर उपाध्यायले ‘ओ कोरोना विन्ती छ, अब यो धर्तीबाट विदा लेउ‘’ बोलको गीत रचना गरेका छन् । उनले चेतनामूलक गीत सार्वजनिक गर्दै कोरोनालाई विदा लिन गीतमार्फत आग्रह गरेका छन् । राज सागरको स्वर र सङ्गीत रहेको गीतमा दीप घतानीको मिक्सिङ, माष्टरिङ रहेको छ । भ्वाइस अफ नेपालमा रेकर्डिङ गरिएको यस गीत संक्रमणबाट बच्नका लागि जनचेतना जगाउने उद्देश्यले गीत सार्वजनिक गरिएको उपाध्यायले बताएका छन् । </p><p style="text-align: justify; ">अहिले बिश्वभर फैलिरहेको कोरोना भाइरसबाट बच्ने सचेतमुलक गीत एक पछि अर्को गर्दै सार्वजनिक भइरहेका छन् । यसअघि अम्बिका गुरुङको शब्द रचनामा ‘लौ आयो के आयो’ बोलको चेतनामूलक सन्देश भरीएको गीत सार्वजनिक भएको थियो । </p><pre style="text-align: justify; "><b>song:</b></pre><p style="text-align: justify; "><iframe frameborder="0" src="//www.youtube.com/embed/UwNfntBkMfk" width="640" height="360" class="note-video-clip"></iframe><br></p>
