१९ श्रावण २०७९, बिहीबार १४:१५ 
<pre style="text-align: justify; "><b>आर्टिष्ट खबर/ साउन, काठमाडौं ।</b></pre><p style="text-align: justify; ">गायन रियालिटी शो द भ्वाइस अफ नेपालको चौथो सिजनको औपचारिक घोषणा गरिएको छ । बिहीबार काठमाडौंमा पत्रकार सम्मेलन गरी शोको कोच टिम चिनाइयो । साथै प्रायोजकहरु बिच सम्झौता गरियो । </p><p style="text-align: justify; ">आगामी महिनादेखि प्रसारण तयारी रहेको चौथो सिजनका लागी दुई कोच परिवर्तन गरिएको छ । चौथो सिजनका लागी राजेशपायल राई र प्रविशा अधिकारी भित्रिनुभएको छ । साथै प्रमोद खरेल र राजु लामाले कोचकै रुपमा निरन्तरता पाउनुभएको छ । तीन सिजनसम्म कोच रहनु भएका वरिष्ठ गायक दीप श्रेष्ठले यो सिजनमा रहनुहुने छैन । शो हिमालय टेलिभिजनबाट शुक्रबार र शनिबार राति ८ बजे प्रसारण हुनेछ । </p><p style="text-align: justify; ">डिजिटल अडिसनमा सहभागी भएका ४१ हजार आवेदकमध्येबाट छानिएका १२० प्रतिभा ब्लाइन्ड अडिसनको तयारीमा जुटेका छन् । ब्लाइन्ड अडिसनमा प्रस्तुति दिनेमध्ये ६४ जना प्रतिभाले ब्याटल राउन्डमा प्रतिस्पर्धाको मौका पाउने निर्देशक लक्ष्मण पौडेलले बताउनुभएको छ ।</p><p style="text-align: justify; "><img src="http://artistkhabar.com/uploads/posts/8dd6ac2ea5e4bb72745732a92f510c351659622548.jpg" style="width: 1189px;"><br></p><p style="text-align: justify; ">कोच राजेश पायल र प्रविशाले चौथो सिजनमा जोडिन पाउँदा उत्साहित भएको बताउनु भयो । राजेशले यसअघि नै बिभिन्न मिडिया तथा दर्शकबाट आफूलाई द भ्वाइसमा कोचको रुपमा हेर्न चाहानुभएको र त्यो चाहाना पुरा भएको बताउनुभयो । </p><p style="text-align: justify; ">यसैबीच, पत्रकार सम्मेलनमा चौथो सिजनका मुख्य प्रायोजकसँग सम्झौता गरियो । भ्वाइस अफ नेपाल किड्स, हिमालय रोडिज र डान्सिङ स्टार्स नेपाल प्रसारण गरिरहेको हिमालय टेलिभिजनले चाँडै बिजनेस रियालिटी शो ‘सार्क ट्याङ्क’, नेपाल्स नेक्स्ट टप मोडल र मौलिक रियालिटी शो ‘लोकस्टार’ प्रसारण गर्ने भएको छ ।</p><p style="text-align: justify; ">हिमालय टीभीका अध्यक्ष धर्मराज भुसालले एक महिनामै प्रसारण हुने गरी कार्यक्रम निर्माण अगाडि बढ्ने बताउनुभएको छ ।</p><p style="text-align: justify; "><br></p>
