१४ कार्तिक २०८१, बुधबार १५:२२ 
काठमाडौँ । नयाँ चलचित्र ‘केटी हराएको सूचना’को ट्रेलर सार्वजनिक गरिएको छ । काठमाडौंमा बुधबार पत्रकार सम्मेलन गर्दै ट्रेलर सार्वजनिक गरिएको हो । ट्रेलरमा सामाजिक संजालबाट भेटिएका दुई अपरिचित युवायुवती यात्रामा निस्किँदा आउने उतारचढावको कथा देखाइएको छ ।
चलचित्रमा सीताको भूमिकामा सृष्टि श्रेष्ठले अभिनय गरेकी छन् भने रामको भूमिकामा नाजिर हुसेन छन् । विलासको भूमिकामा सञ्जय मिश्रा र अमितेश शाह क्यामियो रोलमा छन् । ट्रेलरमा न्यारेटरको रुपमा बुद्धि तामाङ छन् ।
दीपेन्द्र गौचन निर्देशित चलचित्रमा सञ्जय गुप्ता, रामनारायण ठाकुर, मदन ठाकुर, रिना रिमाल, कौशल्या ठाकुर, ललितादेवी मिश्र, रुपेश मण्डल, सुदीप पटेल, अनिल कुर्मी, मनोज शाह, अर्जुन पोखरेल र ओमप्रकाश कर्णको अभिनय छ । ट्राई सिटी पिक्चर्स प्रस्तुतकर्ता र ब्यानरको रुपमा छ ।
मुलुकको ठूलो मल्टिप्लेक्स चेन क्यूएफएक्सका निर्देशक तथा वितरण कम्पनी एप्पल इन्टरटेनमेन्टका प्रमुख समेत रहेका नकिम उद्दिन कार्यकारी निर्माताको रुपमा छन् । यो चलचित्र यहि कात्तिक ३० गतेबाट प्रदर्शन हुने तयारीमा छ ।
