१० पुष २०८१, बुधबार १७:३० 
काठमाडौँ । चर्चित भारतीय गायक सोनु निगम काठमाडौं आइपुगेका छन् । उनी आज (बुधबार) साँझ क्रिसमस अवसरमा आयोजना हुने कन्सर्टमा सांगीतक प्रस्तुति दिन आइपुगेका हुन् । उनलाई दिउँसो ३ बजे त्रिभुवन अन्तर्राष्ट्रिय विमानस्थलमा आयोजक नेपाल टचका पदाधिकारीले स्वागत गरे । कार्यक्रमका होस्ट सन्दिप क्षेत्रीले उनलाई ढाका टोपी लगाइदिएर स्वागत गरेका थिए ।
साँझ ६ बजेबाट सुरु हुने कन्सर्टमा झण्डै १० बजेसम्म सोनुले प्रस्तुती दिने बताइएको छ । सोनु बिहीकार बेलुका भारत फर्किने तालिका छ ।
