२८ श्रावण २०८२, बुधबार १०:०० 
काठमाडौँ। अन्तत: विष्णु माझीको नयाँ तीज गीत ‘म त नराउरी’ सार्वजनिक भएको छ। यो गीत ‘पुतलीको भट्टी’ भाग २१ का रूपमा बजारमा आएको हो।सुन्दरमणि अधिकारीको शब्द तथा संगीत रहेको यस गीतको भिडियोमा मोडल ललिता पौडेलको अभिनय रहेको छ । भिडिओमा ६० जना कोरस डान्सर राखिएको छ।
मौसम हिमालीको कोरियोग्राफी रहेको भिडियोमा शम्भु चालिसेको छायांकन र प्रविन भट्ट सम्पादन छ । गीतमा छोरीले आमासँग बिलौना गरेको कथावस्तु छ।
तीज नजिकिँदा हरेक वर्ष विष्णु माझीको गीतको प्रतीक्षा हुन्छ । दर्शक श्रोताको सो प्रतीक्षा यो गीतले पुरा गरेको छ ।
