सन्थाल जातीको बिषयमा बनेको ‘बोनोदल’ उत्कृष्ट १० मा

<p style="text-align: justify; "><b>चैत, काठमाडौँ । </b>सन्थाल जातीको बिषयमा निर्माण भएको पहिलो चलचित्र ‘बोनोदल’ ले भारतको झारखण्डमा सम्पन्न &nbsp;भएको विशेष फिल्म फेस्टिबलमा उत्कृष्ट १० मा पर्न सफल भएको छ &nbsp;। चलचित्र सहभागी ५६० फिल्महरुमा सेलेक्टेड १० मध्येमा छानिएको हो । सन्थालको बाहुल्यत रहेको झापाकोे कल्टु गाउँमा छायांकन गरिएको चलचित्र ‘बोनोदल’ हेरेपछी जुरिहरुले निर्देशक लगायत फिल्मको तारिफ पनि गरेका छन् ।<br></p><p style="text-align: justify; ">चलचित्र सेलेक्टेड १० मा परे लगत्तै युवा निर्देशक किरण खतिवडाले आफुले पाएको यो हौसलाले अझै थप जोस र जागर थपेको बताए । ‘मैले पाएको यो सफलताले मेरो मात्र हैन देशको नाम पनि मैले विश्वमा चिनाउने मौका पाएको छु ।’ झारखण्डको यो फिल्म फेस्टिवल पनि अन्तर्राष्ट्रियस्तरको भएको उनले बताए ।</p><p style="text-align: justify; ">क्षेत्रिय चलचित्र र म्युजिक भिडियोको अनुभव खतिवडाले यसमा उतारेका छन् । भारत पलायन हुँदै गएका यो समुदायको संरक्षणका लागि चलचित्र बनाएको खतीवडाले बताए । ‘सन्थाल समुदायको धर्म, संस्कृति, रीतिरिवाज र रहनसहनको अध्यायन पछि मात्रै चलचित्र बनाएको हुँ’ खतिवडाले भने, ‘चलचित्रले सन्थाल समुदायमा विद्यमान ‘माझिहडम’ प्रथा प्राथमिकता राखेको छ ।’ सुनील हस्दा र कविता बास्केको मुख्य भूमिका रहेको चलचित्रलाई जोना किस्कु र देवान टुडुले सन्थाली भाषामा अनुवाद गरेका हुन् । सन्थाल समुुदायका सांसद मोहन टुडु, देवान टुडु, राजन बास्के, निस्पक्टर मुर्मु, बलराम हेमरम, रिता सोरेन मिना टुडु लगायतको समेत अभिनय बोनोदलमा रहेको छ ।</p><div style="text-align: justify; "><br></div>