२ आश्विन २०७४, सोमबार ०४:०३ 
<pre><b>असोज, काठमाडौं।</b></pre><p>दर्शकहरुमाझ निकैनै प्रतिक्षित बनेको चलचित्र 'जोनी जेन्टलम्यान' शुक्रबारबाट प्रर्दशनमा आएको छ। नायक पल शाह र नायिका आँचल शर्माको केमेष्ट्री रहेको चलचित्रले प्रर्दशनको सुरुवातमा सुखद व्यापार गरिरहेको छ। ओपनिंग कलेक्शन औसत भएपनि दोस्रो दिन शनिवार भने चलचित्रले हाउसफुल व्यापार गरेको थियो।</p><p>चलचित्रले प्रर्दशनको तीन दिनमा १ करोड ५ लाख ग्रस कलेक्सन गरेको बताइएको छ। प्रदर्शनको पहिलो दिन चलचित्रले मोफसलबाट १७ लाख र राजधानीबाट १८ लाख कलेक्सन गरेको थियो।त्यस्तै चलचित्रले शनिवार मोफसलबाट २७ लाख र राजधानीबाट २८ लाख रुपैयाँ व्यापार गरेको छ। आइतबार चलचित्रले मोफसलबाट ४ लाख र राजधानीबाट ११ लाख रुपैयाँ कलेक्सन गरेको छ। यसबाट चलचित्रले तीन दिनमा कूल १ करोड ५ लाख को कमाई गर्न सफल भएको छ्। </p><p>नितिन चन्दको निर्देशनमा बनेको यस चलचित्रमा पल शाह, आँचल शर्मा, विकास जोशी, जैन कुँवर, सन्तोष शिलवाल गिरीको मुख्य भूमिका रहेको छ । चलचित्रलाई एन्ड्रियु पौडेलले निर्माण गरेका हुन्। </p>
