१५ भाद्र २०७३, बुधबार ०९:२२ 
भदौ, काठमाडौं । नेपाली नारीहरुको महान चाड हरितालिका तिज नजिकिँदै गर्दा बिभिन्न तिज गीत बजारमा आउनेक्रम जारी छन् । यसैबिचमा तिज गीत बिमोचन गर्ने कार्यक्रम पनि यतिबेला भईरहेको पाइन्छ । यस्तैक्रममा हट मोडलको संज्ञा पाएकी तिर्सना बुढाथोकीले पहिलो पटक गाएको तिज गीत नाँच्छु छमछम बोलको तिज गीत बिमोचन गरीएको छ । तिर्सनाको यस तिज गीत बरिष्ठ गायिका ज्ञानु राणा लगायतका अतिथिले बिमोचन गरेका हुन् ।
राजधानीको कमलादीस्थित निरमाया रोधी घरमा भएको बिमोचन कार्यक्रममा धेरै नेपालीहरुको मनमुटुमा बस्न सफल सिरीमा सिरी नि कान्छा बोलको गायिका ज्ञानु राणा प्रमुख अतिथिको रुपमा उपस्थित थिइन् । प्रमुख अतिथि राणाले तिर्सनाको तिजको कोसेली नाँच्छु छमछम हेरेपछि आफुलाई निकै मन परेको बताइन् । मोडल बाट गायिका भएको भन्दै उनलाई आगामि दिनहरुमा गायक क्षेत्रमा अझ सफलताको शुभकामना समेत ब्यक्त गरेकी थिइन् ।
साथै कार्यक्रममा चलचित्र पत्रकार संघका अध्यक्ष शान्ति प्रिय लगायतका अतिथिहरुको उपस्थिती थियो । बिभिन्न कलाकारहरुको उपस्थितीमा गरीएको सो बिमोचन कार्यक्रममा बोल्दै गायिका तिर्सनाले आफुले पहिलो पटक गाएको तिज गीत दर्शकले मन पराइदिनुभएको र भिडियोमा पनि राम्रो प्रतिक्रिया आएको बताएकी छिन् ।
