१९ फाल्गुन २०७३, बिहीबार ०२:५६ 
<p><b>फागुन, काभ्रे । </b>नेपाली पत्रकारीतको लागी ऋषि धमला परिचित ना हो । उनि बेला बखतमा बिभिन्न कारणले चर्चा र बिवादमा फस्ने गरेका छन् । पत्रकारीताको ढांचानै परिवर्तन गदै उनले आफुलाई पत्रकार भएर मात्र चिनाएनन्, एउटा सेलिब्रेटिको भन्दा कम छैन् उनको चर्चा । </p><p>हरेक जसो राजनितिक कार्यक्रमहरुमा पुग्ने धमला पछिल्लो केही समयदेखी त सिनेमाका बिभिन्न कार्यक्रममा समेत पुग्ने गरेका छन् । त्यसोत उनले पत्रकारीताकै क्षेत्रबाट चर्चा कमाएकै कारणले होला नेपाली सिनेमा हाउ फन्निमा समेत उनि पत्रकारको भुमिकामा देखिए । सिनेमा सफल नभएपनि जति दर्शकले हेरे, उनिहरुले भने धमलाको भुमिकालाई मन पराए । छोटै भुमिका भएपनि सुरुवात देखिनै उनलाई खोज्ने त्यस्तो पात्रका रुपमा उनले सो सिनेमामा काम गरेका थिए । </p><p>यसैबिच सधै टेलिभिजनको पर्दामा देखिने धमला अब म्युजिक भिडियोमा समेत देखिएका छन् । अहिले धमलाले अभिनय गरेकोे एक म्युजिक भिडियो सार्बजनिक भएको छ । तिलक बस्नेतको स्वरमा रहेको हाम्रै देशको बोलको गीतमा पत्रकार धमलाले अभिनय गरेका हुन् । सन्तोष खरेलको शब्द तथा तिलक बस्नेको संगीत रहेको सार्बजनिक गीतमा पत्रकार धमला संगै लोकबशादुर टन्डन, सुनिता खनाल लगायतका कलाकारको पनि अभिनय रहेको छ । राष्ट्रिय भाव बोकेको सार्बजनिक गीतको भिडियोलाई गायक बस्नेत आफैले निर्देशन गरेका हुन् भने रामेश्वर हुमागाँईले भिडियो खिचेका हुन् । </p>
