१६ असार २०७४, शुक्रबार १५:३१ 
<pre><b>असार, काठमाडौं ।</b></pre><p style="text-align: justify; ">जितु नेपाल (मुन्द्र्रे)ले हाँस्य टेलिसिरियल जिरे खुर्सानीलाई पुनः ल्याउने सुर कसेका छन् । नेपाल टेलिभिजनबाट प्रत्येक सोमबार राती प्रसारण हुँदै आएको जिरे खुर्सानीमा मुन्द्रे बनेर निकै चर्चामा आएका जितु लामो समय ग्यापमा बसेका थिए । पछिल्लो केहिदिन यताका उनका सामाजिक सञ्जालका पोष्टहरुले जिरे खुर्सानीलाई एक्लै ल्याउन लागेको संकेत देखिन्छ । </p><p style="text-align: justify; ">जिरे खुर्सानीमा यो भन्दा अघि निर्देशनको पाटोमा शिवहरी पौडेलपनि जितु सँगै थिए तर अब शिवहरी पौडेल भने हुनेछैनन् । नेपाल टेलिभिजनमै शिवहरी पौडेल, किरण केसी लगायतका टिमले अहिले 'ब्रेकफेल' नामक टेलिसिरियल सञ्चालनमा ल्याएका छन् । जसका कारण अब जिरे खुर्सानीमा शिवहरी पौडेल नहुने बुझिन्छ । जिरे खुर्सानीका अन्य धेरै कलाकार 'ब्रेकफेल'मा भएका कारण जिरे खुर्सानीमा ति कलाकार हुन्छन् या हुँदैनन् त्यो जितुले बताएका छैनन् । </p><p style="text-align: justify; ">जितुले आफ्नो फेसबुकमा जिरे खुर्सानी पुनः ल्याउने कोसिसमा छु हेर्न चाहानुहुन्छ ? भन्दै स्टाटस राखेका थिए जसमा अधिकांश स्टाटस सकारात्मक आएका छन् । पुनः जितुले आफ्नो भुमिका मुन्द्रे नै भएको हेर्न चाहानुहुन्छ या अन्य भुमिका ? भनेर दर्शकलाई सोधेका छन् जसमा धेरैले मुन्द्रे नै भएर आउन आग्रह गरेका छन् ।</p><p style="text-align: justify; "><img src="http://artistkhabar.com/uploads/posts/0a2261865dddb5b4d23d7340febf60161498837543.jpg" style="width: 1010px;"><br></p><p style="text-align: justify; ">कलाकार शिवहरु पौडेलले आर्टिस्ट खबरसँग कुरागर्दै जितुले जिरे खुर्सानी लिएर आउने खुलाए । ब्रेकफेलमै जितुलाई लिन सकिन्थ्यो होलानी किन दुईतिर हुनभयो भन्ने हाम्रो प्रश्नमा शिवहरी भन्छन्, 'हामी दुईजनाले दुई वटा सिरियल नै चलाउन सक्छौं भने किन नगर्ने र काम दुई तिर राम्रोसँग चल्छ भने गरौं भनेर हो । अब जितु जिले पुनः जिरे खुर्सानी ल्याउनु हुन्छ ।'</p><div><br></div>
