२६ असार २०७४, सोमबार १०:४९ 
<pre><b> असार, काठमाडौं</b></pre><p style="text-align: justify; ">सिने क्षेत्रका व्यस्त निर्माता तथा निर्देशकको रुपमा रहेका मिलन चाम्सले सोमबार आफ्नो नयाँ प्रोजेक्ट लिलिबिली निर्माणको घोषणा गरेका छन्। सबै छायांकन बेलायतको लन्डन र स्कटल्यान्डमा हुने बताइएको यस चलचित्रको बजेट साढे दुई करोड हुने बताइएको छ । फ्लोरमा जानुअघि अफिसियल शीर्षक घोषणा हुने तयारीमा उनी छन् । चलचित्रका लागि गतवर्ष नेपालमै सुट भएको मार्भल स्टुडियोको हलिउड फिल्म डक्टर स्ट्रेन्जमा खेलिसकेकी शिल्पा मास्के लिड हिरोइनमा पक्का भएकी छन् । </p><p style="text-align: justify; ">साथै निर्देशक चाम्स अर्की एक नायिका र नायक पात्रको खोजीमा छन् । उनले अभिनेता र अभिनेत्रीमा खेल्न इच्छुकले आफूसँग सम्पर्क गर्न अनुरोध गरेका छन् । </p><p style="text-align: justify; ">‘फिल्म त्रिकोणात्मक प्रेमकथा नै हो’ चाम्सले भने, ‘दर्शकले यसमाथि इन्जोय गर्न सक्नुहुन्छ ।’ उनले यसअघि पुरै छायांकन लन्डनमा भएको ह्याप्पी डेजलाई पनि यस्तै जानरामा प्रस्तुत गरेका थिए । मिलनले आफ्नो कम्पनी चाम्स इन्टरटेनमेन्ट, गोविन्द शाहीको काफिया फिल्मस र हालै कारखाना निर्माण गरेका सुदीप खड्काको टाइम्स इन्टरटेनमेन्टसँग मिलेर लिलिबिली बनाउन लागेका हुन् । </p><p style="text-align: justify; ">चाम्स निर्देशित ह्याप्पी डेज मंसिर १५ गते रिलिज हुँदैछ भने ब्लाइन्ड रक्स बेलायत, चीन, हङकङ र अष्ट्रेलिया रिलिजपछि घरमा प्रदर्शनका लागि रेडी हुनेछ । </p><p style="text-align: justify; "> </p>
