१२ भाद्र २०७४, सोमबार ०९:०२ 
<pre><b>भदौ, काठमाडौं। </b></pre><p>निरन्तरको बर्षाका कारण बाढीले पिडित बनेका तराई बासीहरुलाई राहत बितरण गर्न र पिडितहरुको उद्धारका लागि तराई झरेका नेपालका चर्चित हाँस्यकलाकार तथा समाजसेवी सिताराम कट्टेल‘धुर्मुस’ को पहलमा धुर्मुस सुन्तली फाउण्डेशनको टोलिले आज सप्तरीका बिभिन्न छ वटा सरकारी बिद्यालयमा अध्ययन गरिरहेका बालबालिकाहरुका लागि शैक्षिक सामाग्री बितरण गरेको छ । फाउण्डेशनले बाढीले शैक्षिक सामाग्री, बिद्यालयका पोशाक समेत बगाएर पिडित बनेका १ हजार बालबालिकाहरुका लागि उक्त सामाग्री बितरण गरेको हो । </p><p>राहत बितरणमा धुर्मुसले भयमुक्त र सुरक्षित रहनको लागि सबैलाई मनोरञ्जन प्रदान गदैं उक्त सामाग्री बितरण गरे । ‘बालबालिका भविष्यका कर्णधार हुन्’ भावुक मुद्रामा धुर्मुसले भने ‘उनिहरुलाई हेरबिचार गर्न, सुरक्षित राख्न र शिक्षा दिक्षामा सबैले ध्यान दिन जरुरी छ त्यसैले हामीले बिद्यालयमा शैक्षिक बातावरण तयार होस भन्नका लागि यसखाले शैक्षिक सामाग्री बितरण गरेका हौं ।’</p><p><img src="http://artistkhabar.com/uploads/posts/8b7c6a3572f5f6133e2273b7c7c7cd3e1503910919.jpg" style="width: 1157px;"><br></p><p>धुर्मुस सुन्तली फाउण्डेशनले सप्तरीमा रहेको आधारभुत बिद्यालय, रमपुरामल्हनियाँ, सप्तरी, रामराजानकी राष्ट्रिय प्राथमिक बिद्यालय, दलवा रमपुरामल्हनियाँ, राष्ट्रिय प्राथमिक बिद्यालय, रमपुरामल्हनियाँ, लिल्जा ठाकुर प्राथमिक बिद्यालय, हनुमान नगर, आधारभुत बिद्यालय, गोवरगाढा र राष्ट्रिय प्राथमिक बिद्यालय, हनुमाननगर गरि ६ वटा सरकारी बिद्यालयमा अध्ययन गर्ने १ हजार बालबालिकाहरुका लागि शैक्षिक सामाग्री बितरण गरेको हो । फाउण्डेशनले बितरण गरेको उक्त सामाग्रीमा झोला, १ दर्जन कापी, १ दर्जन सिसा कलम, १ दर्जन पेन, टिफिन बक्सा, ज्योमेट्रि बक्स, पानि पिउने बोतल सहितको प्याकेज समावेश छन् । </p><p>यसअघि पनि फाउण्डेशनले बाढीले डुवानमा परेर घरबार बिहिन हुन पुगेका तराईका बासिन्दाहरुका लागि बिभिन्न राहतका प्याकेज बितरण गरेको थियो । अहिलेसम्म फाउण्डेशनले तराईका २३ स्थानमा राहत बितरण गरिसकेको छ । फाउण्डेशनले बर्दिवास, धनुषा, सिन्धुली, सिरहा, सप्तरी, सुनसरी, मोरङ्, झापा, सर्लाही, रौतहट, बारा लगायतका स्थानमा खाध्यान्न, लत्ताकपडा तथा औषधी बितरण गरेको हो । धुर्मुसले आफै खटेर १२ जिल्लाका २३ ठाउँमा झण्डै ४५ लाख बरावरको राहत सामाग्री बितरण गरिसकिएको जानकारी दिएका छन् । धुर्मुसले अब आफ्नो अभियान राहतका संगसंगैं स्वास्थ्य, शिक्षा, सरसफाई र पुर्नवासमा सहयोगी बन्ने रहेको बताएका छन् । बाढीका कारण धेरै स्थानका खानेपानीका पाईपहरु फुटेको, पिडितहरुले दुषित पानी पिउनुपर्ने अवस्था रहेको र जसका कारण झाडापखाला, रुघाखोकी जस्ता भाईरल रोग लाग्न सक्ने, सर्प र लामखुट्टेको टोकाई त्यहाँका बासीन्दाहरुको मुख्य समस्या भएको भन्दै अब उनिहरुको लागी अभियान चलाउने धुर्मुसको भनाई छ । </p><p>धुर्मुस सुन्तली फाउण्डेशनले बाढीका कारण अस्वस्थ बनेका पिडितहरुलाई अस्पतालमा भर्ना गरि उपचार समेत गराईरहेको छ । निरन्तर बर्षा भईरहेको समयदेखी अहिलेसम्म आफुनै राहत बितरणमा खटिरहेका धुर्मुस पिडितहरुको पिडा देखेपछि आफुलाई निकै भावुक बनाएको बताउँछन् । आजको राहत बितरण संगैं १६ दिनपछि धुर्मुस भोली काठमाण्डौं फर्किदैछन् । काठमाण्डौं फर्किएसंगैं धुर्मुस फाउण्डेशनको कार्यालयमा जम्मा भएको राहत सामाग्री बोकेर फेरी पनि तराई जानेछन् र फाउण्डेशनले निरन्तर राहत संकलन र बितरण गर्ने समेत बताईएको छ । </p><p><img src="http://artistkhabar.com/uploads/posts/7ed85e7e81f06fc9b67c86cebbb0147f1503910876.jpg" style="width: 720px;"><br></p><p>यता फाउण्डेशनले भने राहत संकलन र बितरणमा तदारुकताका साथ पारदर्शी ढंगले काम गरिरहेको छ । फाउण्डेशनले बाढी पिडितहरुको लागि आएका आर्थिक तथा जिन्सी सामाग्रीहरुको विवरण निरन्तर फाउण्डेशनको फेसबुक पेजमा सार्बजनिक गरिरहेको छ । </p><div><br></div>
