१८ भाद्र २०७४, आईतवार ०६:५४ 
<pre><b>भदौ, काठमाडौं। </b></pre><p style="text-align: justify; "> बलिउड स्टार दीपिका पादुकोण यतिवेला 'पद्मावती'को कार्यमा व्यस्त छिन्। यतिवेला भने उनी आफ्नो फिल्मका भन्दा अर्कै कुराले चर्चामा छिन्। यतिवेला उनी सोशल मीडियामा २० मिलियन फलोअर्स कमाएको खुसी मनाइरहेकी छिन्। हालै उनको ट्वीटरमा उनलाई फलो गर्नेहरुको संख्या २० मिलियन पुगेको छ। बताइएअनुसार उनी अब सामाजिक संजालमा सबैभन्दा बढी फलो गरिने एशियाली महिला बनेकी छिन्। </p><p style="text-align: justify; ">दीपिकाले यसको खुसी व्यक्त गर्दै ट्वीटरमा फ्यानहरुलाई धन्यवाद दिएकी छिन्। उनले आफुले फ्यानहरुलाई गर्ने माया र फ्यानहरुले आफुलाई गर्ने मायाकै कारण यो खुसी मिलेको बताउँदै यो खुसी मिलेर सेलिब्रेट गर्ने बताएकी छिन्। आफ्ना फ्यानहरुलाई धन्यवाद दिनका लागि उनले आफुलाई २० प्रश्न सोध्नका लागि पनि आग्रह गरेकी छिन्। र ट्वीटरमा फ्यानहरुले सोधेको कुरा पनि उनले बताउँदै आएकी छिन्। एजेन्सी</p>
