१० मंसिर २०७४, आईतवार ०६:१६ 
<pre><b>मंसिर, काठमाडौं।</b></pre><p> लण्डनमा सञ्चालन हुँदै आएको ‘लण्डन फेसन हाउस’को नेपाल शाखा काठमाडौंमा सुचारु गरिएको छ । बिगत ६ बर्षदेखी बेलायतको लण्डनस्थित हायस र साउथ ह्यारो गरी २ ठाउँमा लण्डन फेसन हाउस सञ्चालन गर्दै आएकी फेसन डिजाइनर मनिषा ड्रगोल श्रेष्ठले काठमाडौंको खुसीबुस्थित लिंक रोडमा लण्डन फेसन हाउसकै ‘हाउस अफ डिजाइन’ शुरु गरेकी हुन् । </p><p>गैर नेपाली आवासिय संस्था (एनआरएनए) का अध्यक्ष भवन भट्ट, एनआरएनए महिला संयोजक रजनी प्रधानले संयुक्तरुपमा ‘हाउस अफ डिजाइन’ को उद्घाटन गरेका हुन् । कार्यक्रममा बोल्दै एनआरएनए अध्यक्ष भट्टले नेपाली उत्पादन बिदेशका बिभिन्न देशहरुमा पु¥याउन मनिषाले ठुलो योगदान पु¥याएको बताए । ‘हामीले नेपालमा उत्पादन गर्ने जतिपनि सामानहरु छ त्यस्ता सामान बिदेशमा करिब ४० लाख नेपालीलाई प्रयोग गर्न प्रोत्साहित गरिरहेका छौं । लण्डनमा ‘लण्डन फेसन हाउस’ सञ्चालन गरेसँगै नेपालमा पनि ‘हाउस आफ डिजाइन’ शुरु गरेकी मनिषाको उत्पादन चाडै विश्वका अन्य देशमा पनि पुग्ने विश्वास हामीले लिएका छौं ।’ </p><p>त्यस्तै एनआरएनए कि महिला संयोजक रजनी प्रधानले पनि एनआरएनए महिलाहरुले देशबिदेमा आफ्नो ब्यवसाय मार्फत रोजगार सिर्जना गरेको जानकारी गराउँदै फेसन डिजाइनर मनिषा डंगोलले नेपाली फेसनलाई युरोपसँगै बिश्वबजार पु¥याउने विश्वास ब्यस्त गरिन् । साथै कार्यक्रममा उपस्थिती जनाएका अभिनेता तथा कोरियाग्राफर÷मोडल प्रशान्त ताम्राकारले मनिषा एक दशकदेखी फेसन डिजाइनमा लागेको र उनले यहाँका डिजाइन र डजाइनरलाई प्रर्बद्धन गर्न यो ‘हाउस अफ डिजाइन’ स्थापना गरेको बताए । यस्तै लण्डन फेसन हाउस अफ डिजाइनकी निर्देशक मनिषाले बुटिक सञ्चालन गर्न नसकेका डिजाइनरलाई लक्षित गरेर डिजाइन हाउस शुरु गरेको बताइन् । हाल त्यहाँ एक दर्जन डिजाइनरले नेपाली र अन्तर्राष्ट्रिय बजारलाई फेसन डिजाइन गर्दै आएको जनाउँदै उनले अरु डिजाइनरका लागी पनि यो ठाउँ उपयोग हुने बताइन् । उद्घाटन पछि १० मोडलहरुले ‘हाउस अफ डिजाइन’का नयाँ फेसनको फेसन शो गरेका थिए । </p><p><font color="#f7c6ce">यो समाचार हिमालयन राष्ट्रिय दैनिकमा प्रकाशित छ। </font><br></p>
