अर्को सातामा कोशेली

<pre><b>जेठ, काठमाडौं ।</b> </pre><p style="text-align: justify;">चलचित्र ‘कोशेली’ को प्रदर्शन मिति तय गरिएको छ । गत वर्षको पुस ७ मा प्रदर्शन मिति तोकिएर पनि बिबिध कारणले प्रदर्शनमा आउन नसकेको यस चलचित्र अब भने यहि जेठ ११ अर्थात आउँदो&nbsp; शुक्रबारबाट प्रदर्शन हुने भएको छ । प्रेम, द्वन्द्व, विछोड लगायतका विषय समेटिएको यस चलचित्रमा मनोज खत्रीको लेखन तथा निर्देशन छ ।&nbsp;<br></p><p style="text-align: justify;">पछिल्लो समयको पुस्ताको माग अनुरुपकै चलचित्र निर्माण गरेको निर्देशक खत्रीको भनाई छ । उनले चलचित्रमा युवापुस्ताको प्रेमलाई उठाइएको बताए । ‘अहिलेको पुस्ताले मनपराउने समसामयिक कथालाई फिल्ममा प्रस्तुत गरेका छौं,’ उनले भने, ‘युवापुस्ताको प्रेमकथालाई प्राथमिकता दिइएकोले पनि फिल्मलाई दर्शकले मनपराउनेमा हामी ढुक्का छौं ।’</p><p style="text-align: justify;">भोले बाबा फिल्मस्को व्यानरमा निर्माण भएको चलचित्रमा उमादेवी खत्री प्रस्तुतकर्ता छिन् । चलचित्रमा मनोज खत्री, दिनेश शर्मा, जेएन घिमिरे, रचना लामा, सुरज ढकाल, मञ्जिला बुढाथोकी, तेजा ऐर, उमा भट्टराई, तारा लामा र सन्तोष कार्कीको अभिनय छ ।</p><p style="text-align: justify;">चलचित्रमा अभिषेक पौडेलको सम्पादन, सत्यम राना र सुदिप आचार्यको भीएफएक्स, कृष्ण कोइरालाको प्रोडक्सन, विकास चौधरीको संगीत, देव महर्जनको द्वन्द्व, दिनेश लिम्बुको कोरियोग्राफी र रवि कोइरालाको छायांकन छ । ‘कोशेली’ सँगै ऋचा शर्माको फिल्म ‘सुनकेशरी’ पनि प्रदर्शनमा आउँदैछ ।</p><p><br></p>