४ श्रावण २०७५, शुक्रबार ०३:२० 
<pre style="text-align: justify; "><b>आर्टिष्ट खबर/ साउन, काठमाडौं । </b></pre><p style="text-align: justify; ">नायिका सन्ध्या केसी नेपाली नायिकाहरु मध्येमा निकै नाम चलेकी भने होइनन् । उनी म्युजीक भिडियोमा धेरै देखिन्छिन् । उनले म्युजीक भिडियोमा अभिनय गर्दा कुनैपनि ग्ल्यामर दृश्य दिन इन्कार गर्छिन् अर्थात कुनै पुरुष पात्रसँग छोइदा समेत उनलाई असहज महसुज हुन्छ । उनले भन्दै आएकी थिइन् कि, ‘मलाई पुरुष मात्रसँग धेरे टच भएको सिन दिन निकै अप्ठ्यारो लाग्छ’<br></p><p style="text-align: justify; ">सन्ध्याले काम गर्दै जाँदा केहि लचकदार बन्नुपर्दो रहेछ भन्ने बुझेर एक चलचित्रका ‘बेड सिन’ दिन तयार भइन्, त्यो चलचित्र थियो ‘पण्डित बाजेको लौरी’ । निकै शासस गरेर चलचित्रमा काम गरेकी सन्ध्याको उक्त चलचित्र आज बाट प्रदर्शनमा आउँदैछ । यसैबिच बुधबार राजधानीमा यो चलचित्रमा प्रिमियर सम्पन्न भयो, प्रिमियरमा चलचित्रको कथालाई निकै मन पराइयो । साथै चलचित्रमा अभिनय गरेका कलाकारहरुको पनि खुबै तारिफ गरियो । त्यसमध्ये पनि सन्ध्याको कामलाई बिशेष प्रसंसा गरिएको थियो । चलचित्रले समाजमा ठूलो जातको सम्झने पण्डित र बदिनीको कथालाई उठान गरेको छ । नेपाली चलचित्रमा खासै उठान नभएको बिषयलाई कमेडी शैलीमा चलचित्रले उठान गरेको छ । चलचित्रमा बदिनीको भूमिका सन्ध्याले निभाएकी छिन् । प्रिमियर पश्चात सञ्चारकर्मिहरुसँग बोल्दै सन्ध्याले आफ्ना लागी बदिनीको भूमिका निकै चुनौतीपुर्ण रहेको बताइन् । ‘म्युजीक भिडियोमा कुनै केटामान्छे सँग छोइदा त मलाई निकै अप्ठ्यारो लाग्थ्यो, यो चलचित्रमा धेरे सिन बेडकै छन्, निकै गाह्रो हुँदै काम गरे, अन्ततः प्रतिफलले खुसी बनायो’, उनले भनिन् । सन्ध्या प्रिमियर सकेर बाहिर निस्किँदा खुसीका आँशु झारिरहेकी थिइन् ।</p><p style="text-align: justify; ">दिपक ओलीको निर्देशनमा तयार भएको यो चलचित्र फरक कथावस्तु उठान गरेकी कारण धेरैबाट राम्रो प्रतिक्रिया पायो । चलचित्रमा धेरैजसो दुईअर्थ लाग्ने संवाद छन् तर तिनै संम्बादलाई कमेडी शैलीमा प्रस्तुत गरिएको छ । चलचित्र थमनकुमार भण्डारीले निर्माण गरेका हुन् । चलचित्रमा कथा, पटकथा तथा सम्वाद महेश दवाडीको छ । चलचित्रमा प्रविण खतिवडा, भोलाराज सापकोटा, बिजय बराल, सन्ध्या केसी, मरिष्का पोखरेल, प्रमोद अग्रहरि लगायतका कलाकारको मुख्य भूमिका छ ।</p><p style="text-align: justify; "><br></p>
