‘ससुराल सिमरका’ की दीपिकाले हात पारिन् ‘बिगबोस १२’ को ट्रफी

१६ पुष २०७५, सोमबार ०८:३५

<pre style="line-height: 1.42857; text-align: justify;">मुम्बई (एजेन्सी) । </pre>पन्द्र हप्ता देखि पर्खाईमा रहेको चर्चित टेलिभिजन शो 'बिग बोस सिजन १२' को विजेता घोषणा भइसकेको छ । अभिनेता सलमान खानले सञ्चालन गरेका 'बिग बोस सिजन १२' को विजेता भारतिय चर्चित टेलिभिजन सिरियल ‘ससुराल सिमरका’मा लिड रोलमा रहेकी दिपिका कक्कड इब्राहिम भएकी छिन् । उक्त शो मा  फर्स्ट रनरअप क्रिकेटर श्रीसन्थ र सेकेण्ड रनरअप दीपक ठाकुर भएका छन् । <img src="http://artistkhabar.com/uploads/posts/170cae990386c68ca64173d5589781931546245304.jpg" style="width: 759px;"> बिगबोसको ट्रफीका लागि पन्द्र हप्ता बिगबोसको घरभित्र बिताउनु पर्ने शो मा दीपिका कक्कर इब्राहिम, श्रीसन्थ, करणवीर बोहरा, दीपक ठाकुर र रोमिल चौधरीबीच  प्रतिस्पर्धा भएको थियो । प्रतिस्पर्धा गरिरहदाँ पाँच जनाबीच सबैभन्दा पहिले रोमिल चौधरी र करणवीर बोहरा शो बाट बाहिरिएका थिए ।  दुई जना बाहिरिएपछि अन्त्यमा दीपक ठाकुर, श्रीसन्थ र दीपिका कक्कडबीच प्रतिस्पर्धा भयो। विजेता घोषणा हुनुपूर्व सलमान खानले प्रतिस्पर्धीबीच एउटा शर्त राखेका थिए । जसअन्तर्गत सलमानले विजेता घोषणा हुनुपूर्व यदि कसैले शो छोड्छ भने उसले २० लाख रुपैयाँ लिएर बाहिरिन सक्ने बताएपछि  २० लाख रुपैयाँ लिँदै दीपक ठाकुर बाहिरिएका थिए । अन्त्यमा दीपक ठाकुर २० लाख रुपैयाँ लिँदै बाहिरिएपछि श्रीसन्थलाई पछि पार्दै दीपिका विजेता भएकी हुन् ।  दीपिकाले प्रतिस्पर्धाको दौरानमा भन्ने गर्थिन मैले र श्रीसन्थ मिलेर यस शोको बत्ती निभाएर बाहिर निस्किने छौँ । अन्तत उनले आफ्नो बोली पुरा गरेकी छिन् ।  <div style="text-align: justify; "> </div>