८ पुष २०७२, बुधबार ००:२५ 
पुस ८, काठमाडौं । भारतीय टेलिभिजन कलर्स च्यानलबाट प्रसारण हुँदै आएको ‘कमेडी नाइट्स वीथ कपिल’ बन्द हुने भएको छ । २०१३ जुन को २२ बाट सुरु भएको यस कार्यक्रमको अब जनवरी १७ मा अन्तिम एपिसोड हेर्न पाइने छ ।
बिगत दुईबर्ष देखि दर्शकलाई मनोरञ्जन दिँदे आएको यो कार्यक्रमले छोटो समयमा निकै लोकप्रिय भएको थियो । अहिले कार्यक्रम सञ्चालक कपिल शर्माको केही महिनादेखि कलर्स च्यानलका प्रतिनिधीसँग पनि मनमुटाब भएको थियो । कपिलले आफ्नो कार्यक्रम एक्कासी बन्द गर्नुको कारण प्रष्ट नखुलाएपनि उनको प्रकृतिको अर्का कार्यक्रम ‘कमेडी नाइट्स बचाओ’ आउँदैछ। त्यसैले पनि उनले डिसेम्बरबाटै कार्यक्रम बन्द गर्ने निर्णय गरेका थिए । पछि च्यानल टिमले जनवरी सम्म कार्यक्रम प्रसारण गर्न आग्रह गरेको थियो ।
कपिलले यसपछि यस्तो प्रकृतिको कार्यक्रम टेलिभिजनमा ल्याउने वा नल्याउने भन्ने बारे केहि बोलेका छैनन । उनी पछिल्लो समय फिल्ममा अभिनय पनि गर्न थालेका छन् । उनले अभिनय गरेको फिल्म किस किसका प्यार करु’ले बक्स अफिसमा राम्रो ब्यापार गर्न सफल भएको थियो ।
