१६ पुष २०७२, बिहीबार ००:४८ 
पुस १६, काठमाडौं । नेपाल आर्ट काउन्सिल बबरमहलस्थितमा ‘हामी उठ्नेछौं’ शीर्षकमा सामूहिक चित्रकला प्रदर्शनी शुरु भएको छ । बुधवार देखि सुरु भएको उक्त प्रदर्शनीलाई महानायक राजेश हमालले हामी उठ्ने छौं’ को लोगो अंकित चित्र अनावरण गरेर चित्रकला प्रदर्शनीको उदघाटन गरेका हुन् ।
कार्यक्रमको उद्घाटन कार्यक्रममा महानायक हमालले केक काटेर सहभागि कलाकारहरु लाई खुवाएका छन् । उदघाटन कार्यक्रममा बोल्दै हमालले ललित कला अध्ययनरत विद्यार्थीहरुले नेपालको चित्रकलालाई उठाउने प्रयास गरेमा खुशि ब्यक्त गर्दै हामी सबै आ–आफ्नो स्थानवाट उठ्नुपर्ने बताए ।
पुस १९ गतेसम्म चल्ने प्रदर्शनीमा राखिएका करिब ७० भन्दा बढि चित्रहरु त्रिभुवन विश्वविद्यालय अन्तर्गत स्नातकोत्तरको दोस्रो सेमेस्टर अध्ययनरत कलाकार विद्यार्थीहरूले बनाएका हुन् । हामी उठ्ने छौं’ सामूहिक कला प्रदर्शनीमा विकास श्रेष्ठ, भुफान लिम्बू, ध्रुवराज शर्मा, जया शर्मा, जेनी घले, विकुकुमार थापा, दीपक मेहता, दीपाञ्जली राजभण्डारी, जुजुकाजी श्रेष्ठ, लक्ष्मी मगर, मन गुरुङ, ओम गुरुङ, प्रमिला लामा, प्रमोदकुमार तण्डुकार, ऋतु थापा, शोभा तिवारी, सुदेशा श्रेष्ठ, उमा खड्का तथा उपकार घमालले चित्र बनाएका हुन् ।
