मदनकृष्ण श्रेष्ठ कोरोना मुक्त

<pre style="text-align: justify; "><b>जेठ, काठमाडौं ।&nbsp;</b></pre><p style="text-align: justify; ">हास्य कलाकार मदनकृष्ण श्रेष्ठ कोरोना संक्रमण मुक्त हुनुभएको छ । मदनकृष्णलाई १४ दिन अघि कोरोना भाइरसको संक्रमण भएको थियो । दोस्रो पटक कोरोना संक्रमित भएर पछि कोरोनालाई जितेर आउनुभएका मदनकृष्णलाई यतिबेला सामाजिक सञ्जालमा धेरै बधाई पनि दिइरहेका छन् । उहाँ अस्पतालको उपचारपछि एक साता अघिनै घर फर्किनु भएको थियो ।</p><p style="text-align: justify; ">स्वाब परिक्षणको नतिजा नेगेटिभ आएपछि मदनकृष्णले मंगलवार फेसबुकमार्फत् जानकारी दिनु भएको हो । सबैको आर्शिवाद र मायाको बलले कोरोना जित्न सफल भएको उहाले बताउनु भएको छ ।&nbsp; मदनकृष्णले लेख्नुभएको छ, ‘कोरोनाले मलाई पछार्न त नराम्रैसँग पछा¥यो । पछा¥यो मात्र हैन अझ लछा¥यो र हस्पिटलमा लगेर बेस्कन बजा¥यो, ओर्कायो, फर्कायो, थर्काउनु थर्कायो बेला बेलामा तर्सायो पनि । बलियो रहेछ बजिया । तर सबैको माया, शुभेक्षा, प्रार्थना, र आर्शिवादले गर्दा मलाई त्यसले जित्न भने सकेन ।’ उहाले शरीरमा अलिअलि शिथिलता बाँकी नै रहेको बताउनु भएको छ ।&nbsp;</p><p style="text-align: justify; ">पहिलो पटक ८ दिन अस्पतालमा उपचारपछि घर फर्किएका उहा त्यसको केही दिनमै अक्सिजनको लेभल कम भएपछि पुनः मेडिसिटी हस्पिटलमा भर्ना हुनुभएको थियो । चिकित्सकले अब आफ्नो शरीर एन्टिबडी बनिसकेको र कसैको शरीरमा पनि कोरोना नसर्ने बताउनु भएका मदनकृष्णले उल्लेख गर्नुभएको छ ।&nbsp; उनले ठट्यौली शैलीमा अगाडि लेख्नुभएको छ , ‘कोरोनाले यो मदनकृष्ण श्रेष्ठ भन्ने मान्छेलाई पार्केसन छ, प्रोष्टेट, प्रेशर, मुटुको समस्या छ, कन्स्टीपेशनको पनि समस्या छ र यसलाई त मज्जाले चपाउन सकिन्छ भनेर मलाई झम्टिन आएको होला सायद । यहाँहरु जस्तो मलाई औधी माया गर्नुहुने लाखौँ लाख शुभेक्षकहरु मेरै साथमा हुनुहुन्छ भन्ने कुरा त्यो मोरा कोरोनालाई के थाहा ।’</p><p style="text-align: justify; ">अहिले देशको सबैभन्दा ठूलो समस्या कोरोना रहेकाले सरकारले पहिलो प्राथमिकता दिएर जति सक्दो चाँडो कोरोना भाइरसको खोप लगाएर जनताको ज्यान बचाउन उहाले सुझाउनु भएको छ ।</p><div style="text-align: justify; "><br></div>