२६ पुष २०७२, आईतवार ०६:५३ 
पुस २६, काठमाडौं । गायक मिलन लामाको सक्रियतामा चितवनका चेपाङ बिद्यार्थीलाई कम्बल बितरण गरीएको छ । चितवनको खैरहनी ९, करैयामा रहेको अन्त्योदय जनजाति आवासीय बिद्यालयमा शनिबार एक कार्यक्रम गरी आमा फाउण्डेसन र टेक्सास्को तर्फबाट १०० थान कम्बल बितरण गरीएको हो ।
हिजा (शनिबार) बिद्यालय प्रांगणमा भएको जन्मोत्सब तथा बिबिध साँस्कृतिक कार्यक्रममा उपस्थित समाजसेवी तथा उद्योगपतीहरुले बिद्यालयका लागी आर्थिक सहयोग पनि गरेका थिए । गायक मिलन लामाको सक्रियतामा गरीएको उक्त कार्यक्रममा बिद्यार्थी, अभिभावनका साथमा स्थानिय र चितवन जिल्लाका समासेवीहरुको उपस्थिती थियो । कार्यक्रममा यहि पुस १ गते देखी २५ गते भित्र सम्म जन्मदिन परेका जोकोहि लाई निमन्त्रणा गरीएको थियो । साथै कार्यक्रममा जन्मदिन परेकाहरुको जन्मोत्सव पनि मनाईएको थियो ।
बि.सं. २०५७ सालबाट निरन्तर चेपाङ बिद्यार्थीलाई आवास सहितको शिक्षा दिँदै आएको अन्त्योदय जनजाति बिद्यालयका लागी सरकारी तबरबाट कुनै पनि सहयोग नभएको बिद्यालयका प्राधानाध्यापक घनश्याम प्रधानले बताए । “बिभिन्न सहयोग उठाएर अहिलेसम्म हामीले चेपाङ बिद्यार्थीहरुलाई पढाएका छौं, सरकारबाट पनि कुनै सहयोग मिलेको छैन”, प्रधानाध्यापक प्रधानले भने । कार्यक्रममा जन्मदिन परेकाहरुले बिद्यालयको नाममा आर्थिक सहयोग पनि गरेका थिए ।
कार्यक्रममा गायक मिलन लामा र गायिका कल्पना स्रिपालको बिशेष प्रस्तुती रहेको थियो । साथै कार्यक्रममा स्थानिय कलाकारहरुको पनि प्रस्तुती रहेको थियो ।
