१६ माघ २०७२, शनिबार ०३:०९ 
माघ १६, काठमाडौं । फिल्म प्रेमगीतमा समावेश ‘म यस्तो गीत गाउँछु’ बोलको कभर गीत गाउनका लागी फिल्म युनिटले २ महिना अघि प्रतियोगिताको घोषणा गरेसँगै जम्मा ५५९ जनाले कभर गीत गाएका छन् ।
आशुसेन फिल्मस्द्धारा प्रतियोगीताको घोषणा गरीएको थियो । घोषणा गरेलगतै बिश्वभरीबाट गीत गाएर कतिले युट्युवमा पनि हालेका छन् । फिल्म युनिटले पत्रकार सम्मेलन गर्दै यस प्रतियोगीताको बारेमा जानकारी दियो । बिश्वभरबाट प्राप्त ५५९ जनाको कभर गीतको भिडियोलाई आजबाट आशुसेन फिल्मस्को युटुब च्यानलमा अपलोड गरिनेछ । निर्माता सन्तोष सेनका अनुसार यी भिडियो मध्येबाट सर्वाधिक धेरै भिजिटर पाउन सफल १० भिडियो छानिनेछ । त्यस्तै भिडियो युट्युवमा अपलोड गरीसकेपछि कम भिजिटर आएर पनि प्रतिभावान् कलाकारमध्येबाट ५ जनालाई वाइल्र्ड कार्ड इन्ट्रीको रुपमा प्रवेश गराइनेछ ।
उत्कृष्ट टप १० फागुन ४ मा सार्वजनिक गरिने छ, भने राम्रो प्रतिभा भएर पनि युट्युबमा कम दर्शक पाएका ५ लाई समेत प्रतिस्पर्धामा राखेर टप १५ बनाइने छ । यस्तै टप १५ को अन्तिम प्रतिस्पर्धा फागुन ८ गते हुनेछ । गायिका अञ्जु पन्त, गायक सुगम पोख्रेल र संगीतकार अर्जुन पोख्रेलले उत्कृष्ट एक छान्नेछन् ।
उत्कृष्ट विजेताले नगद एक लाख पुरस्कार पाउनेछन् साथै आगामी चलचित्रमा गाउने मौका समेत पाउनेछन् । यस्तै, सम्पूर्ण १५ जनालाई एक एक थान कलर्स मोबाइल प्रदान गरिनेछ । आजभन्दा अघि गीतगाएर युट्युवमा अपलोड गरीएका भिडियोहरुलाई मान्यता नदिइने फिल्म युनिटले बताएको छ ।
सुदर्शन थापाले निर्देशन गरेको यस फिल्मको सन्तोष सेन निर्माता हुन् । फिल्ममा पूजा शर्मा र प्रदिप खड्काको मुख्य भूमिका छ । फिल्म यहि माघ २९ गतेबाट प्रदर्शन हुँदैछ ।
प्रतियोगीहरुको सम्पुर्ण भिडियो यहाँ क्लिक गरेर पनी हेर्न सक्नुहुनेछ
