२३ फाल्गुन २०७२, आईतवार ०५:१४ 
फागुन, काठमाडौं । युवायुवतीका मनमुटुमा बसेका अभिनेता अनमोल केसी अभिनिति फिल्म ‘ड्रिम्स’ यतिखेर हलहलमा लागेको छ । अनमोलको क्रेजले गर्दा पनि यतिखेर दर्शकहरुको हलहलमा भिड देख्न सकिन्छ ।
शुक्रबार बाट रिलिजमा आएको ‘ड्रिम्स’ले दुई दिन नपुग्दै करोडमाथिको ग्रस कलेक्सन गरेको निर्माण पक्षले जनाएको छ । अभिनेता अनमोल स्कटिंग र बडिगार्ड सहित गोपीकृष्ण हलमा पुग्दा दर्शकहरु निकै उत्साहित देखिन्थे । आफ्नो अगाडी स्टार अनमोल केसीलाई देख्दा अचम्म मान्दै ‘ओ माई गड रियल नै हैछ’ भन्ने सम्बाद धेरै सुनिन्थ्यो ।
चाबहिल स्थित गोपीकृष्ण फिल्म हल र बाईपास स्थित अष्टनारायण हलमा भुवन केसी सहित पुगेका अनमोलले सञ्चारकर्मिहरु सँग कुरागर्दै आफुलाई अहिलेसम्मकै खुसी मिलेको बताए ।
अनमोलले हलमा पुगेर दर्शकहरुलाई हात जोडेरै सम्बोधन गरेका थिए । साथै आफ्नो फिल्मलाई यसरी मनपराईदिएकोमा धन्यवाद भन्दै खुसीले सबैसामु सेल्फि समेत खिचेका थिए ।
