२६ मंसिर २०८०, मंगलवार १७:०८ 
मंसिर, काठमाडौँ । गायक प्रमोद खरेलको स्वरमा रहेको ‘घर नभाको मान्छे’ बोलको गीत दर्शकको प्रिय बनिरहेको छ । यो गीतको शब्द, संगीत र प्रमोदको स्वरले दर्शकको मन जितिरहेको छ । यो गीतमा राजु अर्यालको शब्द तथा संगीत छ । गीतमा प्रमोद र रीता केसीको स्वर छ । गीतका शब्दले श्रोताको मन छुने देखिन्छ ।
यो गजलले घर नभाको एक प्रेमीको कथा बोलेको छ । भिडियोमा राजु अर्याल र मोडल उषा उप्रेतिले पर्दा शेयर गरेका छन् । उषासँगको प्रेममा आएको उतारचढाव भएपछि विरक्तलाग्दो जिन्दगीमा राजु गीत गाउँदै हिडेको भिडियोमा देखाइएको छ ।
महेश पौडेलको निर्देशनमा तयार भएको भिडियोमा गोपाल रायको छायांकन, कृष्ण भण्डारीको सम्पादन छ । उमा भट्टराइले यो भिडियोको निर्माण गरेकी हुन् ।
