४ जेष्ठ २०८१, शुक्रबार १७:२२ 
जेठ, काठमाडौँ । सामाजिक सन्जालमा रुचाएकी नव गायिका लक्ष्मी नेपालीको स्वरमा नयाँ गीत सार्वजनिक गरिएको छ । ‘ख्याल ठट्टा’ बोलको गीतमा लक्ष्मीसँगै गायक तथा सर्जकद्धय मदन ढकाल र तिर्थ खत्रीको स्वर रहेको छ । गीतमा शब्द मदनले लेखेका छन् भने संगीत तिर्थले भरेका छन् ।
गीतमा संगीत संयोजन कृष्ण केसीले गरेका छन् । गीतको भिडिओमा सुनौलो दोहोरी साँझका कलाकारसँग शिवु पाण्डेयले अभिनय गरेका छन् । बिरेन्द्र भट्टको छायांकन रहेको भिडिओलाई मदन खड्काले निर्देशन गरेका हुन् । सम्पादन रोशन धितालले गरेका छन् ।
गायक तथा गीतकार मदनले लक्ष्मीको स्वरमा मिठास भएकाले उनलाई लिएको जानकारी दिए । ‘अग्रजहरु त ब्यस्त हुनुहुन्छ नै, नवप्रतिभालाई पनि स्थान दिनुपर्छ । किनकी हामी सबै नयाँ हुँदै आएका हौं’, मदनले आर्टिष्ट खबरसँग भने । ‘सबै दर्शक तथा स्रोताले माया गर्नुहुनेछ भन्ने अपेक्षा राखेका छौं ।’ यस्तै अर्का गायक तथा संगीतकार तिर्थ भन्छन्, ‘लक्ष्मी बहिनीको स्वरमा मिठास छ । उहाँलाई माया गर्नेहरुले गीत हेरेर र सुनेर प्रतिक्रिया दिनुहुन अनुरोध गर्छ ।’ गीतको भिडिओ टि.एम. म्युजीक प्रोडक्सन युट्युव च्यानलमा अपलोड गरिएको छ ।
