१५ असार २०८१, शुक्रबार १३:०५ 
असार, काठमाडौँ । गायिका स्वरुपा सुवालको स्वर रहेको पप शैलीको मनमा तिम्रो बोलको गीतको भिडियो सार्वजनिक गरिएको छ । प्रेममा धोका पाएकी एक प्रेमीकाको कथालाई निर्देशक सुब्रत आचार्यले कलात्मक शैलीमा भिडियोमा देखाएका छन् ।
जसमा गायिका स्वरुपाकै शब्द , संगीत तथा अभिनय रहेको छ । अभिनयमा स्वरुपालाई मोडल विकाश लामिछानेले साथ दिएका छन् । भिडियोमा विकाश धोकेबाज प्रेमीका रुपमा देखा परेका छन् भने स्वरुपाले धोका दिने मायालुलाई छाडेर आफ्नो बाटो लागेको वियोगान्त कथालाई देखाइएको छ ।
भिडिओमा छायांकन सुन्दर नगरी पोखरामा गरिएको हो । सुब्रत आचार्यको कन्सेप्ट समेत रहेको भिडियो रिलिज गरिएको छोटो समयमा नै राम्रो प्रतिक्रिया आइरहेको गायिका स्वरुपा बताउँछिन् । भन्छिन् आँफुले मनमा सजाएको मान्छे बिना पनि जीवन एक संभावना हो भन्ने कुरलाई भिडियोमा देखाउन खोजीएको हो ।
ओएसआर डिजिटलबाट रिलिज गरिएको भिडियोको छायांकन उत्सब दाहालले गरेका हुन् भने भिडियोको सम्पादन विकाश दाहालले गरेका हुन् । जसको क्रियटिभ डाइरेक्टर जया शर्मा हुन् ।
