८ असार २०७३, बुधबार ०३:०६ 
असार, गुल्मी । गुल्मी र वाग्लुङ्गमा छायांकन भएको नेपाली कथानक चलचित्र उमङ्गको फस्ट लुक सार्वाजानिक भएको छ । चलचित्र क्षेत्रको समचार सम्प्रेषण गर्ने सुर्य चन्दका अनुसार ७५ प्रतिशत छायाङन दुवईमा भएको र अरु बाँकी गुल्मी र बाग्लुङ्गमा छायाङन भएको छ ।
थुप्रै चलचित्रमा कोरियोग्राफर र मुख्य सहायक निर्देशन गरी सकेका शिव शर्माले निर्देशन गरेको चलचित्र उमङ्गले पैसा कमाउने, भविस्य उज्वल पार्ने सपना बोकेर विदेश पुगेका युवाहरुको दर्दनाक कथा बोकेको छ । छायाङन सुरु भए देखि नै चर्चामा रहेको चलचित्र उमङले हालै सेन्सर वोर्डबाट युनिभर्सल सर्टिफिकेट समेत पाई सकेको छ ।
यस चलचित्रमा विनिता बराल, कुमार बि.सी., सिपी पौड्याल, रामबाबु रेग्मी, शिला श्रष्ठ, रुपेश सुवेदी, राम थापा, उमेशकुमार केसी, लगायतको अभिनय रहेको छ । वसन्त अधिकारीकोे मुख्य सहायक निर्देशन रहेको यस चलचित्रमा अर्जुन पोखरेल र बि।बि। अनुरागीले संगित दिएका छन् भने द्धन्द्धमा कुमार महार्जन रहेका छन् । त्यस्तै सम्पादन अर्जुन जिसी र अक्की शर्माले गरेका छन् । चलचित्रका कथाकार कुमार बिसी नै त्यसका निर्माता रहेका छन् ।
– प्रेम सुनार
