‘हाम्रो मायामा राजनिति भो’, सान्ती श्री र बसन्तको रमाइलो गीत (भिडियो)

असार, काठमाडौं ।
–

तिम्रो बाबा मेरो बाबा फरक फरक पार्टी,
यसको असर पर्ने भयो हाम्रो माया माथि ।
–

माथि उल्लेखीत शब्द भर्खरमात्र सार्वजनिक गरीएको एक लोक तथा दोहोरीगीतमा समावेश शब्द हो । माया प्रेम गर्ने जोडिलाई राजनितिले हस्तक्षेप गरेको भन्दै लोकदोहोरीमा फरक तरिकाले देखाइएको पाइन्छ ।
गायिका शान्ति श्री परियार र गायक बसन्त थापाको स्वरमा रहेको यस गीतमा बसन्त थापाकै शब्द संगीत रहेको छ । गीतको भिडियो मेकिङ पनि उत्कृष्ट देख्न सकिन्छ । भिडियोलाई प्रकाश भट्रटले निर्देशन गरेका हुन ।
–

राजनिति भो बोलको यस गीत सार्वजनिक भएसँगै दर्शक तथा स्रोताले मन पराउँदै गएको पाइएको छ । गीतका गायक बसन्त थापा र गायिका शान्ति श्री परियार यतिखेर बिभिन्न स्टेज कार्यक्रमहरुमा ब्यस्त छन । भर्खरमात्र गुल्मीको एक स्टेज कार्यक्रम सकेर फर्केकी यसै गीतकी गायिका शान्ति श्री परियारलाई आर्टिस्ट खबरले यस गीतको चर्चा कत्तिको पाउनु भो भन्ने प्रश्नमा उनले गीत गाएर सुनाएपछि दर्शकले अत्यधिक मन पराइदिनुभएको बताइन । साथै उनले गीतको बारेमा प्रतिक्रिया धेरै ठाउँबाट राम्रो आएको बताइन ।