१५ असार २०७३, बुधबार २३:५५ 
असार, काठमाडौं । फिल्म ‘लालजोडी’को गीत सार्वजनिक गरीएको छ । ‘लालजोडी’मा समावेश आज त क्या ब्युटी बोलको गीत सार्वजनिक गरीएको हो ।
टेलिभिजनको पर्दामा नक्कली बाबुरामको भुमिका गरेर चर्चा बटुलेका ज्योती काफ्ले लिड रोलमा रहेको ‘लालजोडी’को यस गीतमा ज्योतीले कमेडी डान्स गरेका छन् । सार्वजनिक गीतमा राजेश पायल राई र मनिषा पोख्रेलको स्वर रहेको छ भने टंक बुढाथोकीले संगीत भरेका छन् ।
–
आउँदो भदौ १७ मा प्रदर्शनमा आउने लालजोडीमा ज्योती काफ्ले, रजनी केसी, बुद्धि तामांग, पुरन थापा, किशोर भण्डारी, गोबिन्द कोइराला लगायतले अभिनय गरेका छन् । फिल्मलाई निर्देशन तथा निर्माण लक्ष्मण सुवेदीले गरेका हुन् ।
