२० श्रावण २०७३, बिहीबार ०३:३२ 
साउन, काठमाडौं । फिल्म ‘कारखाना’ बन्ने भएको छ । आज काठमाण्डौको कमलादीस्थिती गणेशस्थानमा पुजा गर्दै फिल्मको शुभसाइत गरिएको हो । सुशिल श्रेष्ठ, बर्षा सिवाकोटी, जेबिका कार्की लगायतको मुख्य भुमिका रहेको यस फिल्मका सुदिप खड्का, राजेन्द्र केसी, अमर बज्रचार्य र सुर्याश खड्का निर्माता हुन् ।
आज भएको शभसाइत कार्यक्रममा चलचित्र विकास बोर्डका अध्यक्ष राजकुमार रार्इ, निर्माता संघका महासचिव केशव भट्टरार्इ, चलचित्र कलाकार संघका अध्यक्ष रामकेशर बोगटी, चलचित्र प्राविधिक संघका अध्यक्ष पुष्कर लामा लगायतको उपस्थिती थियो ।
–
फिल्ममा अमरदिप सापकोटाले लेखन तथा निर्देशन र डाइनामिक इन्टरटेन्मेन्ट वल्र्ड प्रालीले प्रस्तुती रहनेछ । फिल्ममा सुशिल, बर्षा र जेबिकाको साथमा नविन लम्साल, मौसमी मल्ल, नागेन्द्र रिजाल, विकास उप्रेती, रविन पोख्रेल लगायतका कलाकारको मुख्य भूमिका रहनेछ ।
