राजु परियार र राधा तिवारीको तिज गीतमा मादल र मयुरका कुरा (भिडियो)

साउन, काठमाडौं । तिज नजिकिँदै गर्दा तिज गीतहरु बजारमा आउन छाडेका छैनन् । चर्चित गायक राजु परियार र गायिका राधा तिवारीको स्वरमा रहेको ए माया नाचिदेऊ छम्छमी बोलको तिज गीत सार्वजनिक गरीएको छ । सुमधुर स्वरका जादु भएका गायक राजु परियारले यसपालीको तिजमा आफुले निकै मन परेकोले यो तिज गीत गाएको बताएका छन् । राजुले यस बर्ष अन्य गीतको अफर आएपनि नगाएका आर्टिस्ट खबरलाई बताएका छन् ।
मिडिया टप नेपालद्धारा सार्वजनिक यस तिज गीतमा राजु परियार र राधा तिवारीको स्वर रहेको छ भने भिडियोलाई राजेश तिमिल्सिनाले निर्देशन गरेका हुन् । साथै भिडियोलाई श्री कृष्ण फुँयाल र राजेशले खिचेका हुन् । भिडियोमा नायिका सुष्मा कार्की र मोडल राज क्षितिजको अभिनय रहेको छ भने कोरियाग्राफि सुधिर श्रेष्ठको रहेको छ । भिडियोको सम्पादन शिक्ती प्रज्वल घिमिरेले गरेका हुन् ।
–

सार्वजनिक यस गीतमा साँस्कृतिका कुराहरु जोडिएको पाइन्छ । मादलको ताल र मयुरको चाल जस्ता शब्द प्रयोग भएको यस गीतको आर्टिस्ट खबर डटकमले यसभन्दा अघि सुटिंग रिपोर्ट पनि तयार पारेको थियो ।