१२ भाद्र २०७३, आईतवार २१:१० 
भदौ, काठमाडौं । एक्सन अभिनेता बिराज भट्ट र निखिल उप्रेतीलाई कतिपयले प्रतिस्पर्धी अभिनेता पनि भन्ने गर्दछन् । दुबै आर्टिस्टको फिल्ममा एक्सन भुमिका हुने भएको र दर्शकले पनि एक्सनमै मन पराएकोले यी आर्टिस्टलाई प्रतिस्पर्धीको रुपमा हेरीन्छ ।
अभिनेता बिराज भट्ट लामो समय पछि भोजपुरी फिल्मबाट नेपाली फिल्ममा कमब्याक भए । ‘जय परशुराम’ फिल्मबाट कमब्याक भएका बिराज अब नेपाली फिल्ममा निरन्तर लाग्ने बताएका छन् । यस्तै अभिनेता निखिल उप्रेती पनि लामो समयसम्म बिदेशको बसाई पनि नेपाली फिल्ममा आए तर उनको पछिल्लो समय नेपाली फिल्मको सक्रिएता सँगसँगै भोजपुरी फिल्ममा पनि सक्रिएता देखिएको छ । निखिलले नेपाली फिल्म भने छाडेका छ्र्रैनन् । निखिलले लामो समयको बिदेशको बसाई पछि नेपाली फिल्ममा आएर दर्शकको मन जित्ने फिल्म दिन सफल भईसकेका छन् ।
निखिलले अभिनय गरेको भोजपुरी फिल्म ‘मजाक’को फस्टलुक रिलिज गरिएको छ । काठमाण्डौमा आयोजित कार्यक्रममा यसको फस्टलुक रिलिज गर्दै चलचित्रको बारेमा जानकारी दिइएको हो । नायक निखिल उप्रेती ७ बर्षपछि भोजपुरी चलचित्रमा देखिएका हुन् ।
–
नेपालको सिरहा, बन्दिपुर, धनुषा, इलाम लगायतका स्थानमा छायांकन गरिएको यो चलचित्रमा निखिलका अलवा समिता, किसोर यादव लगायतको अभिनय छ । चलचित्रलाई मिथिलेस निसाधले निर्देशन गरेका हुन् । चलचित्रमा हिमाल केसीको एक्सन छ । निर्देशकले निखिललाई एक्सन अवतारमा देखाइएको छ ।
पछिल्लो समय निखिललाई नेपाली फिल्ममा पनि अफर निकै आउन थालेको छ । निखिलका अनुसार यो बर्ष मात्र उनलाई चारवटा फिल्ममा अफर आईसकेको छ ।
