२२ भाद्र २०७३, बुधबार ०२:२० 
भदौ, काठमाडौं । फिल्म ‘ब्ल्याक समर’को टिजर सार्वजनिक गरीएको छ । सबै छायांकन बेलायतमा भएको यस फिल्मलाई एलबिएस फिल्म युके एण्ड नेपालले निर्माण गरेको हो । एलबी सुब्बाको लेखन तथा निर्देशन रहेको यस फिल्म बेलायतका रमणीय स्थानहरुमा छायांकन गरीएको छ ।
फिल्ममा रीमा विश्वकर्मा, रितेश राई, अमिषा राईको मुख्य भूमिका छ । त्रिकोणात्मक प्रेमकथा अनि सस्पेन्स थ्रिलरको यो फिल्म २०१७ को आगमनसंगै देश बिदेशमा रिलिज हुने बताईए यस फिल्ममा ड्रिम भिजन, मान गुरूङ, प्रतिमा दुतराज र हुप थापाको लगानी रहेको छ । फिल्ममा ताराप्रकाश लिम्बु, हरि लम्साल, उदेश श्रेष्ठ र राजकुमार बगरको संगीत रहेको छ भने प्रतीक दुतराजको छायाँकन तथा अर्जुन जिसीको सम्पादन रहेको छ ।
