२२ भाद्र २०७३, बुधबार २१:०५ 
भदौ, काठमाडौं । बलिउड अभिनेता शत्रुघन सिन्हाको बायोग्राफि किताव एनिथिङ बट खामोस नेपालमा बिमोचन गरीएको छ । बुधबार राजधानीमा अयोजित एल.जी. फिल्म अवार्डमा उनको उक्त किताव बिमोचन गरीएको हो ।
बलिउडमा एक समय एकछत्र राज गरेका अभिनेता शत्रुघन खामोस नामबाट चर्चामा छन् । त्यसैनामबाट उनको किताव निकालिएको हो । सिनेमा सर्कलको आयोजनामा भएको एल.जी. अवार्ड कार्यक्रममा शत्रुघनलाई सिनेमा सर्कलका अध्यक्ष डिनेश डिसीले निमन्त्रणा गरेका थिए ।
किताव बिमाचन कार्यक्रममा उपराष्ट्रपति तथा कार्यक्रमका प्रमुख अतिथि नन्दबहादुर पुन तथा अन्य थुप्रै नेपाली फिल्मकर्मिहरुद्धारा किताव बिमोचन गरीएको थियो । कार्यक्रममा बोल्दै शुत्रघनले नेपालमा आएर किताव बिमोचन गर्न पाउँदा खुसी भएको र पशुपतिको कृपाले आफु स्वस्थ रहेको पनि बताए । साथै उनले नेपालमा पहिला पनि आएको र अहिले आउँदा पनि पशुपतिको दर्शन गरेर जाने बताए । एल.जी. फिल्म अवार्डमा उनलाई बिशिष्ठ अतिथिको रुपमा राखिएको थियो ।
