२३ भाद्र २०७३, बिहीबार २०:१९ 
भदौ, काठमाडौं । आज (शुक्रबार) बाट ‘छक्का पञ्जा’ फिल्म नेपालभर प्रर्दशनमा आएको छ । नेपालभरीका ८० वटा हलबाट एकसाथ प्रदर्शनमा आएको यस फिल्मसँगै हलिउड र बलिउडका फिल्महरु पनि प्रदर्शनमा आएका छन् । आजबाट ‘छक्का पञ्जा’ सहित चार फिल्म प्रदर्शनमा आएका छन् तर आम दर्शकको आँखा घरेलु फिल्म छक्का पञ्जामै गएको देखिन्छ ।
लामो समयसम्मको पतिक्षामा रिलिजमा आएको छक्का पञ्जासँगै एक हलिउड र दुई बलिउड फिल्म प्रदर्शनमा छन् । बलिउडका ‘बारबार देखो’ र ‘फिक्रि’ प्रदर्शनमा छन् भने हलिउडको ‘बेन अर’ पनि प्रदर्शनमा आएको छ ।
–
दिपा श्री निरौला निर्देशीत छक्का पञ्जाको पहिलो शोका लागी फिल्महलहरुमा दर्शकको उल्लेखनीय उपस्थिती रहेको बुझ्नमा आएको छ । आर्टिस्ट खबरलाई बुझ्नमा आएसम्म अधिकांश हलहरु अग्रिम बुकिंग भईसकेको र अग्रिम बुकिंग नभएकोमा बिहानै देखि लामबद्ध भएर दर्शकहरु बसेका छन् । यतिखेर बालाजु बाईपासको अष्टनारायणहलमा दर्शक फिल्म लाग्नु भन्दा अगावै लाइनमा बसेर टिकट काटिरहेका छन् । यसले हाउसफुल हुने संकेत देखिन्छ । साथै यसैलाई मध्यनजर गर्ने हो भने आजका अन्य शो हरुमा पनि दर्शकको संख्या उल्लेखनीय हुने देखिन्छ । हलिउड र बलिउडका फिल्महरुमा भने दर्शकको संख्या कम देखिन्छ ।
छक्का पञ्जामा दिपकराज गिरी, प्रियंका कार्की, जितु नेपाल, केदार घिमिरे ‘माग्ने बुढा’, बुद्धि तामाङ्ग ‘हैट’, बर्षा शिवाकोटी, नम्रता सापकोटा, सुमन गिरी लगायतका आटिस्टहरुको मुख्य भूमिका रहेको छ ।
आमा सरस्वती मूबिज र गीता देवी फिल्मसको ब्यानरमा निर्माण भएको यस फिल्ममा निर्मल शर्मा गैडा सहित अभिनय गर्ने केहि हाँस्य कलाकारहरुको लगानी रहेको छ । फिल्ममा राजनराज शिवाकोटी र दिपक शर्माको संगीत , पुरुषोत्तम प्रधानको छायांकन ,कविराज गहतराजको कोरियोग्राफी रहेको छ ।
