२४ भाद्र २०७३, शुक्रबार २०:५६ 
भदौ, काठमाडौं । गतबर्षको सफल चलचित्र ‘प्रेमगीत’को दोस्रो श्रृंखला ‘प्रेमगीत २’ का लागी नायिका फाइनल गरीएको छ । नयाँ अनुहारको खोजीमा रहेको चलचित्र युनिटले अश्लिषा ठकुरीलाई नायिकाको रुपमा फाइनल गरेको हो । अब ‘प्रेमगीत २’ मा अश्लिषा र नायक प्रदिप खड्काको मुख्य भुमिका रहने ।
किन छानियो त अश्लिषा लाई नै ?
निर्माता सन्तोष सेनका अनुसार आफुहरुले चलचित्रका लागी नयाँ अनुहार खोजिरहेको बेला अश्लिषाको लुक्स र अभिनय क्षमता हेरेरै उनलाई फाइनल गरीएको बताए । २२ बर्षकी अश्लिषाले ६ महिनाको अभिनय कोर्स पनि सिकेकी छिन् । थिएटरबाट चलचित्रमा प्रवेश गर्न लागेकी कलाकार हुन् ।
–
निर्माता सेनले भने अनुसार आँफुहरुले बर्मेली लुक्स भएको यूवती खोजेको र जुन अश्लिषाको भएकाले पनि चलचित्रमा अनुवन्धित गरीएको बताएका छन् ।
–
कात्तिक बाट छायांकन सुरु गरीने यस चलचित्रलाई रामशरण पाठकले निर्देशन गर्दैछन् । चलचित्रको थाइल्याण्ड, बर्मा र नेपालमा छायांकन हुनेछ ।
