‘छक्का पञ्जा’ हेर्नुभयो ? हेर्नुस् आर्यन सिग्देल पनि छन् ‘छक्का पञ्जा’मा

भदौ, काठमाडौं । चलचित्र ‘छक्का पञ्जा’ प्रदर्शनमा आएसँगै हाउसफुलको ब्यापार गर्यो । राजधानीका अधिकांश हलहरुमा हाउसफुलका साथ ब्यापार गरेको छक्का पञ्जामा हाँस्य कलाकारहरुको मुख्य भुमिका रहेको छ । टेलिभिजनको पर्दामा हाँस्य टेलिश्रृंखलामा हँसाउँदै आएका हाँस्य कलाकारहरुले बनाएको यस चलचित्रमा नायिकामा प्रियंका कार्की, बर्षा राउत र नम्रता सापकोटाको अभिनय रहेको छ ।
चलचित्र प्रदर्शन अघि पात्रहरुको बारेमा पोष्टर देखी ट्रेलरमा लगभग धेरै कलाकारहरु खुलाइयो तर चलचित्रमा नायक आर्यन सिग्देल पनि छन् भन्दा कतिलाई विश्वास नलाग्न सक्छ किनकी दर्शकले चलचित्र प्रदर्शन अघि नत ट्रेलरमा देखेका छन् नत पोष्टरमा नै ।
–

चलचित्रमा कलाकार दिपकराज गिरी ‘राजा’को भुमिकामा छन् भने जितु नेपाल ‘बाहुन’, बुद्धि तामांग र केदार घिमिरे एक गरिब परिवारको भुमिकामा छन् । यी चारपात्र साथीको रुपमा एकसाथ हुन्छन् । यसैबिच नायक आर्यन सिग्देल पनि फिल्ममा केहि भाग मुख्य भुमिका निभाएका छन् । उनले प्रियंका कार्कीलाई दिपकराज गिरीबाट भगाएर लगेको र अन्तिममा अर्को साथीलाई सहयोग गरेको कथा बनाइएको छ । उनी चलचित्रमा सहयोगीको रुपमा आउँछन् र जान्छन् ।
–

साथै चलचित्रकी निर्देशक दिपा श्री निरौला पनि चलचित्रको अन्तिम तिर देखा पर्छिन् । उनलाई पनि चलचित्रको अन्तिममा देखाइएको छ । चलचित्र प्रदर्शन अघि नायक आर्यन सिग्देल र दिपा श्री निरौलालाई चलचित्र भित्र अभिनयमा छन् या छैनन् खुलाइएको थिएन ।