२७ भाद्र २०७३, सोमबार २२:३५ 
भदौ, काठमाडौं । बलिउडकी चर्चित गायिका शालमली खोलगडेको मुख्य प्रस्तुतीमा आउँदो कात्तिर्क २७ गते राजधानीको जावलाखेल ग्राउण्डमा बलिउड लाइभ कन्सर्ट हुने भएको छ । गुड ह्युमन अर्गनाइजेसनको आयोजनामा हुने यस कन्सर्टमा बलिउड सुन्दरी गायिका शालमलीको साथमा नेपालका चर्चित गायक गायिकाको प्रस्तुती रहनेछ ।
नेपालबाट चर्चित संगीतकर्मीहरु रविन एण्ड द न्यु रोभुलेसन्स, काली प्रसाद बाँस्कोटा, बाबु बोगटी, अल्मोडा राना उप्रेती, सोमिया बराइली रहनेछन् । यिनको गीत संगीतमा थप मनोरञ्जन संचालकद्वय सन्दीप क्षेत्री र ओशिन सिटौलाले प्रदान गर्नेछन् ।
–
आईतबार यसै कार्यक्रमको जानकारी दिन राखिएको पत्रकार सम्मेलनमा रबिन तामांग , सन्दिप क्षेत्री , अल्मोडा राना उप्रेती , सोमिया बराइली लगायतको उपस्थिति रहेको थियो ।
आयोजक दशरथ सुनारल कार्यक्रमबाट उठेको रकम मध्यको १५ प्रतिशत भूकम्प पिडितका लागि प्रदान गर्ने बताएका छन् । पछिल्लो हिट गीत ‘बेबीको बेस पसंद हे’ दिएकी शालमली ११ मा नेपाल आउने र १४ मा फर्किने बताइएको छ ।
