१२ मंसिर २०७३, आईतवार ०४:५९ 
मंसिर, काठमाडौं । चलचित्र ‘किङ’ मा नायक निखिल उप्रेती र नायिका बेनिशा हमालको जोडि लाई देख्न सकिन्छ । पछिल्लो समय फरक फरक चलचित्रमा फरक फरक नायिकाहरुसँग अभिनय गर्दै आएका निखिलको यसपाली पनि बेनिशासँग जोडि मिलेको छ ।
आउँदो पुस २९ गतेबाट नेपालभर प्रदर्शनमा आउने ‘किङ’को एक गीत सार्वजनिक भएको छ । जसमा निखिल र बेनिशाको प्रेमलाई देखाइएको छ । सन्नी सुनाम र प्रविशा अधिकारीको स्वर रहेको ‘अधुरो थियो सपना’ बोलको गीतको भिडियोलाई उत्कृष्ट मेकिंग गरीएको देखिन्छ । रामजी लामिछानेले यो चलचित्रलाई कोरियोग्राफी गरेका हुन् । बसन्त सापकोटा, दिनेश सुनाम र दीजेन्द्र डी कार्की यसका संगीतकार हुन् ।
–
चलचित्रलाई सविर श्रेष्ठले निर्देशन गरेका हुन् । चलचित्रमा नायक अनुपविक्रम शाही खलपात्रको रुपमा देखिएका छन् । संजय लामाको छायांकनपक्षले पनि भिडियोलाई उत्कृष्ट बनाएको छ ।
–
जगन श्रेष्ठको प्रस्तुतीमा निर्माण भएको यो चलचित्रलाई जयन श्रेष्ठले निर्माण गरेका हुन् ।
