१६ मंसिर २०८१, आईतवार १०:०४ 
काठमाडौँ । नयाँ हास्य सिरिज ‘गज्जब छ बा’को प्रसारण सुरु भएको छ । शनिबारबाट औपचारिक रुपमा पहिलो एपिसोड अपलोड गर्दै निर्माण टिमले अब प्रत्येक शनिबार साँझ ७ः१५ मा लेखान्त अफिसियल युट्युव च्यानलमार्फत प्रसारण हुने जानकारी गराएको छ ।
प्रसारणको पहिलो एपिसोडमै सकारात्मक प्रतिक्रिया मिलिरहेको सिरिजका लेखक, निर्देशक तथा मुख्य कलाकार लेखान्त भुसालले जानकारी दिए । भुसालेले आर्टिष्ट खबरसँग कुरा गर्दै भने, हामीले नेपाली सिरियल तथा चलचित्रको क्षेत्रमा निकै रुचाइनुभएका कलाकारहरुलाई लिएर यो सिरिज तयार पारेका छौं । पहिलो एपिसोडमै धेरैले राम्रो प्रतिक्रिया दिइरहनुभएको छ ।
सिरिजमा रामचन्द्र अधिकारी, सबिता गुरुङ, मुकुन्द मैनाली, धर्मराज भट्टराई, लेखान्त भुसाल, सबिना आचार्य, रमेश बुढामगर, बिनम कंडेल लगायतको अभिनय रहेको छ । शिब बिकेको छायांकन रहेको सिरिज सन्दिप चौधरीले सम्पादन गरेका हुन् । सह निर्देशन भने किशोर बाबु बस्नेतले गरेका छन् ।
