चलचित्र दुखी आत्माको पोस्टरमा दयाहाङ, आँचलदेखि आशान्तसम्म

काठमाडौँ । दीपेन्द्र लामा लिखित तथा निर्देशीत प्रतिक्षित चलचित्र ‘दुखी आत्मा’ को फर्स्टलुक पोस्टर सोमबार सार्वजनिक गरिएको छ । विभिन्न ३ डिजाइनका पोस्टर मध्ये एउटामा दयाहाङ राई सिंगल छन भने अर्कोमा उनी र आँचल शर्मा प्रेमील भावमा देखिन्छ्न । अर्को एक पोस्टरमा भने दयाहाङ, आँचलका साथमा अनुपबिक्रम शाही, बुद्धि तामाङ,रेअर राई,लोकेन्द्र लेखक र आशान्त शर्मालाई प्रस्तुत गरिएको छ ।

फागुन २ गते रिलिज हुने फिल्मको पोस्टरले दर्शकमा थप कौतुहलता जगाउने देखिन्छ । क्लक वर्क कृएसनको ब्यानरमा हिमाल कडरियाको निर्माण अनि सुदिप ढकाल कार्यकारी निर्माता रहेको चलचित्रमा चर्चित कवि श्रवण मुकारुङका विभिन्न १० वटा पेचिला कविता पनि समेटिएको छ । आलोक शुक्लाले खिचेको चलचित्र निमेष श्रेष्ठले सम्पादन गरेका छन । चलचित्र आरआर फिल्मस्ले बितरण गर्दैछ ।