८ माघ २०७३, शनिबार ०८:०६ 
माघ, काठमाडौं । आफुमा कला भएर पनि गीतसंगीत क्षेत्रमा आउन नसक्ने धेरै नव प्रतिभाहरु हुनसक्दछन् । कतिपयलाई आर्थिक समस्याले ओझेलमा पारेको हुन्छ त कतिपयलाई भौगोलिक समस्याले पनि बाँधिरहेको हुन्छ ।
यस्तै आँफुमा कला र रुची हुँदाहुँदै पनि गीतसंगीतको क्षेत्रमा सक्रिय भएर अगाडि बढ्न सकेका छैनन् नव गायक भरत परियार । नेपाली लोकगीतको क्षेत्रमा रुची र कला भएका भरतले आर्थिक समस्याका कारण आँफुले सोँचे जस्तो सक्रिय हुन नसकेको बताउँछन् । अहिले सम्म नेपाली लोकदोहोरीको क्षेत्रमा एकवटा गीत गाएका उनले गीतसंगीतको क्षेत्र निकै ठुलो भएको र यस क्षेत्रमा फराकिलो भएर अगाडि बढ्न अनेक कुराहरुले अल्झाएको बताउँछन् ।
–
गएको बर्षमात्र ‘हर खुसी दिन्छु तिमीलाइर्’ बोलको लोक तथा दोहोरी गीतबजारमा ल्याएका भरतले अब अर्को गीत बजारमा ल्याउने तयारीमा छन् । उनले पहिलो गीतमा गायिका पुर्णकला बिसीसँग स्वर दिएका छन् । एकगीत बजारमा ल्याउनका लागी निकै नै संघर्ष गरेको बताउने उनी अर्को गीत आउँने नयाँबर्षमा निकाल्ने तयारीमा जुटेको बताउँछन् ।
–
गीतसंगीतको क्षेत्र सानै देखीको रुचीको क्षेत्र भएकोले यस क्षेत्रलाई जीवनभर अंगाल्नका लागी धेरै संघर्ष गरेर यहाँसम्म आएको र भोलीको दिनमा अझ धेरै संघर्ष गर्न बाँकी रहेको भन्दै उनी अहिले पनि गीतसंगीत लेखन तथा गायनमा सक्रिए छन् ।
–
पुराना कलाकारहरुले प्रोत्साहन गर्नुपर्छ
नव गायक भरत परियारले पुराना कलाकारहरुकै प्रेरणाले नयाँ कलाकारहरु जन्मिने बताउँछन् । ‘हामी नयाँ कलाकारहरु अग्रज पुराना कलाकारहरुको प्रेरणाले यो क्षेत्रमा अघि बढ्ने हो, त्यसैले पुराना कलाकारहरुले पनि नयाँ कलाकारहरुलाई प्रोत्साहन गरीदिनुभयो भने धेरै राम्रो हुनेथियो ।
कला भएका मानिस धेरै हुन्छन् तर बिबिध कारणले गुम्सिएर बसेका छन् त्यस्ता प्रतिभाहरुलाई बाहिर निकाल्नका लागी पुराना कलाकारहरुले प्रोत्साहन स्वरुप केहि कदम चालिदिनुभए धेरै राम्रो हुने थियो ।’
सुख दुखको साथी रहेछ गीतसंगीत
लामो संघर्ष गरेर गीतसंगीतको क्षेत्रमा आएका भरतले एकगीत बजारमा ल्याएर अझ फराकिलो तहबाट गीतसंगीतलाई बुझ्दै गरेको बताएका उनले गीतसंगीत सुख दुखको साथी रहेको बताउँछन् । कुनै पनि दुखको क्षणमा पनि गीतसंगीतको आवश्यक पर्ने र सुख साट्न पनि यहि गीतसंगीत चाहिने बताउँछन् उनी ।
साथै उनले गीतसंगीत कस्तो बेलामा बढी गुनगुनाउँनुहुन्छ भन्ने हाम्रो प्रश्नमा आँफु एक्लो भएको बेलामा बढी गीतहरु गुनगुनाउँने बताए ।
–
लगानी उठाउन निकै गाह्रो
आफ्नो पहिलो गीतमै ठुलो लगानी गरेका भरतले गीतसंगीत क्षेत्रमा लगानी गरेर लागेको लगानीमात्र उठाउन पनि निकै गाह्रो पर्ने बताउँछन् । ‘अहिले आधुनिक युग भएकाले पहिलाको जस्तो सिडि, डिभिडि नबिक्ने भएकोले पनि आम्दानी गर्न गाह्रो छ तर साच्चै नै राम्रा गीत र दर्शकले मन पराउने गीत ल्याउन सकियो भने आम्दानी हुँदैनहुने भने चाँही होइन ।’ उनले भने ।
नव प्रतिभाहरुलाई मिडियाबाट पनि साथ तथा सहयोग भयो भने अझ उनीहरुलाई प्रोत्साहन हुनेथियो ।, भरतले थपे ।
प्रस्तुतीः गोपिकृष्ण /आर्टिस्ट खबर
