११ भाद्र २०८२, बुधबार १६:५४ 
काठमाडौँ। पछिल्लो पुस्ताका निकै रुचाइएका कलाकार हुन् दुर्गेश थापा। हरेक उमेर समूहका बालक देखि वृद्धसम्म सबैले उनका सिर्जनाहरू मन पराउँछन्। यो समयमा दुर्गेश थापा भन्छन्, ‘पढाई भन्दा ठुलो केही रहेनछ । पहिला म सबैभन्दा ठुलो नाम र दामलाई मान्थे अहिले पढाई लाई मान्छु । दुर्गेश स्वयम्ले भनेका छन् म २ कक्षामा २ चोटि फेल भएको मान्छे हु । पढ्ने बेलामा सोच्थे म जसरी पनि पैसा कमाउँछु पढाई कनी चाहियो र । तर आज यो सफलताको बिन्दुमा आइपुगेपछि बल्ल बुझ्दै छु पढाई विना त जिन्दगी अपुरो रहेछ ।उनी थप सुनाउँछन्, ‘जहाँ जानुस् तपाईँले कति पढ्नुभएको भन्ने प्रश्न आउँछ ।’
डाईभर बन्छु भनेर घर बाट निस्किएका दुर्गेश थापा आज एक चर्चित, लोकप्रिय कलकार बनेका छन् । शैक्षिक योग्यताको कुरा गर्नुपर्दा उनले अरू कलकार सरह डिग्री को सर्टिफिकेट लिएका छैनन् तर कलकारितामा भने सबैलाई पछि पारीरहेका छन् । उनको डिमान्ड अहिले यती छ की एकै दीनमा २ स्थानमा कार्यक्रम गर्छन् । देश विदेश भ्याई रहेका छन् ।
