११ फाल्गुन २०७३, बुधबार १४:२७ 
<p><b>फागुन, काठमाडौं ।</b> राष्ट्रिय फोटो पत्रकार समूह–एनएफपीजेले आफ्नो स्थापनाको २० औं वर्षगाँठ पारेर ‘फोटो कन्सर्न राष्ट्रिय फोटो पत्रकारिता अवार्ड– २०७३’ गर्ने भएको छ ।</p><p>बैशाख १३ गते पर्ने राष्ट्रिय फोटो पत्रकारिता दिवसको अवसर पारेर अवार्ड बाडिन लागिएको हो । कार्यक्रममा फोटो पत्रकारलाई फरकफरक विधामा पुरस्कृत गरिनेछ । कार्यक्रममा ‘डिवि थापा फोटो पत्रकारिता लाईफ टाइम एचिभमेन्ट अवार्ड’बाट एकजना फोटो पत्रकारलाई पुरस्कृत गरिनेछ । पुरस्कारको राशी ५० हजार नगद, ट्रफी र सम्मानपत्र रहनेछ । </p><p>कार्यक्रममा वर्षको उत्कृष्ट, टुरिजम एण्ड कल्चल, स्पोर्टस्, डेल्ली लाईफ, एड्भेन्चर, महिला, राजनीतिक, स्वतन्त्र, अनलाईन, मोफसल र आर्थिक लगायत बिधामा फोटो पत्रकारmलाई अवार्ड दिइनेछ । अवार्ड पाउनेलाई जनही २५÷२५ हजार नगद पुरस्कार, सम्मान पत्र र ट्रफी प्रदान गरिने संयोजक वन्तले जानकारी दिए ।</p><p>पुरस्कार प्राप्त गर्नका लागि दैनिक, साप्ताहिक, पाक्षिक, मासिक पत्रिका, समाचार अनलाईनलगायतका सञ्चारमाध्यममा सक्रिय रुपमा कार्यरत फोटो पत्रकारहरुले खुल्ला रुपमा एनएफपीजेको कार्यालयमा आवेदन दिनसक्ने छन् । आवेदन फारम फागुन ९ गतेदेखि ३० गतेसम्म खुल्ला हुने छ । </p>
