१२ फाल्गुन २०७३, बिहीबार १५:१० 
<p><b>फागुन, काठमाडौं ।</b> चलचित्र ‘म यस्तो गीत गाउँछु’ को छायांकन सुरु भएको छ । सुदर्शन थापाको निर्देशनमा बन्न लागेको यस चलचित्र बिहीबार राजधानीको स्वयम्भु नजिकैबाट दृश्यांकन सुरु भएको हो ।</p><p>चलचित्रका मुख्य कलाकार नायक पल शाह र नायिका पूजा शर्माले चलत्रिचको पहिलो दृश्य दिएर छायांकन अघि बढेको थियो । चलचित्रका कलाकारसँगै प्राविधिक र निर्देशकले क्यामेरा पूजा गरेर छायांकन सुरु गरिएको थियो । चलचित्रको छायांकन ४० दिनसम्म चल्ने बताइएको छ । चलचित्रमा पल र पूजाको साथमा सरोज खनाल, रूपा खनाल, प्रज्ज्वल सुजल गिरी पनि मुख्य भूमिकामा रहनेछन् ।</p><p>चलचित्रमा पल ‘सत्य’ पात्रको भूमिकामा देखिँदैछन् भने पूजालाई ‘छायाँ’ को भूमिकामा देखिनेछिन् । सत्य र छायाँको प्रेम र आइपर्ने विभिन्न खालका समस्याको कथामा यो चलचित्र बन्नेछ । चलचित्रमा अर्जुन पोखरेलको संगीत, संजय लामाको छायांकन, कविराज गहतराजको कोरियोग्राफी रहेको छ ।</p><p>सुदर्शन थापा फिल्मस्को ब्यानरमा निर्माण हुन लागेको चलचित्रमा सुदर्शन थापाको लगानी छ भने अभिनेत्री पूजा शर्मा यो सहनिर्मात्रीमा छिन् । अर्जुन पोखरेलको संगीत रहने चलचित्रलाई संजय लामाले खिच्दैछन् । चलचित्रलाई काठमाडौंसँगै पोखरा र मुस्ताङमा खिचिने निर्देशक थापाले बताए ।</p><div><br></div>
