२९ आश्विन २०८२, बुधबार १७:११ 
काठमाडौँ। तिहारमा तीन नयाँ नेपाली फिल्महरू रिलिज हुने तयारीमा छन्। जसले बक्स अफिसमा कस्तो व्यापार गर्छन् भन्ने चासो बढाएको छ। यस वर्ष भाइटिकाको दिन (कात्तिक ६) गते ’वरिष्ठ बलराम’ र ’सोल्टिनी’ प्रदर्शनमा आउँदै छन् भने त्यसको भोलिपल्ट, कात्तिक ७ गते ’मैझारो’ रिलिज हुनेछ।
’वरिष्ठ बलराम’ एक सामाजिक कथामा आधारित फिल्म हो। यसमा अभिनेता दयाहाङ राई र विजय बराल मुख्य भूमिकामा छन्। यस्तै अन्तरजातीय प्रेमको मार्मिक कथामा तयार भएको फिल्म हो ’सोल्टिनी’। फिल्ममा अभिनेता प्रकाश सपुत र परीक्षा लिम्बु मुख्य भूमिकामा छन्। यसैगरी तिहार मै रिलिज हुने अर्को चलचित्र रहेको छ मैझारो ।
भाइटिकाको भोलिपल्ट रिलिज हुने फिल्म ’मैझारो’ मा धिरज मगर, मिरूना मगर र दिया पुन मुख्य भूमिकामा छन्। अभिनेता विल्सनविक्रम राई निर्देशित यो फिल्म पनि प्रेमकथामा आधारित छ। प्रदर्शन तयारीमा रहेका यी ३ फिल्मले कस्तो व्यापार गर्लान् ? त्यसका लागी भने रिलिज मिति नै कुर्नुपर्ने हुन्छ ।
